આનંદો / 4.50 લાખ પશુપાલકો માટે ખુશબર, ગુજરાતના આ જિલ્લામાં લેવાયો મહત્વનો નિર્ણય

• બનાસ ડેરીનો મોટો અને મહત્વનો નિર્ણય 
• દૂધના ભાવમા પ્રતિ કિલો ફેટે રૂ.25નો વધારો
• દૂધ ઉત્પાદકોની આર્થિક પ્રગતિ-આત્મનિર્ભર 

બનાસ ડેરી સાથે જોડાયેલા દૂધ ઉત્પાદકોની આર્થિક ક્ષેત્રમાં પ્રગતિ થાય અને આત્મનિર્ભર બને તે હેતુથી બનાસ ડેરીના ચેરમેન  શંકરભાઇ ચૌધરી દ્વારા દૂધના ભાવ માં પ્રતિ કિલો ફેટે રૂ.25 નો ભાવ વધારો કરવાનો મહત્વપૂર્ણ નિર્ણય કરવામાં આવ્યો છે. પશુપાલનના વ્યવસાય થકી  આર્થિક ક્ષેત્રની પ્રગતિ  માટેના આ નિર્ણય થી જિલ્લાના સાડા ચાર લાખ પશુપાલકોને લાભ થશે.

સમગ્ર એશિયામાં બનાસ ડેરી દૂધ સંપાદનમાં અગ્રીમ  સ્થાને છે. આ વર્ષે 93 લાખ લીટર જેટલી દૈનિક વિક્રમજનક દૂધની આવક હોવા છતાં પણ એક પણ દિવસ પશુપાલકો પાસેથી દૂધ લેવાનું બંધ નથી રાખ્યું. બનાસડેરી દ્વારા દૂધના ફેટના ભાવમાં 25 રૂપિયાનો વધારાની જાહેરાત પશુપાલકો માટે એક આનંદના વ્યાપ્યો છે.

બનાસ ડેરીમાં દૂધના જુના ભાવ 680 રૂપિયા પ્રતિકીલો ફેટ હતા. જે વધારી 705 રૂપિયા પ્રતિકીલો ફેટ કરવામાં આવ્યા છે. છેલ્લા કેટલાક સમયથી ઘાસચારો તેમજ પશુદાણના મોંઘો થયા હતા. જેથી પશુપાલકો દૂધના ભાવમાં વધારો થાય તે માટે ઇચ્છુક હતા. જે બાબતને ધ્યાને લઇ એશિયાની સૌથી મોટી બનાસ ડેરીએ પશુપાલકો માટે દૂધના ભાવમાં વધારો કરતાં પશુપાલકોમાં આનંદ છવાયો છે.

દૂધના ભાવમાં વધારો કરવા મામલે બનાસ ડેરીના ચેરમેન શંકર ચૌધરીએ જણાવ્યું હતું કે પશુપાલકોની અથાગ મહેનત એ બનાસ ડેરીને વૈશ્વિક ફલક પર ઓળખાણ આપી છે. પશુપાલકોને મહેનતનું યોગ્ય વળતર મળે તે માટે બનાસ ડેરીનું નિયામક મંડળ સતત ચિંતિત હોય છે. પશુપાલકોને વધુ સમૃધ્ધ અને આત્મનિર્ભર બનાવવા માટે બનાસ ડેરીએ પ્રતિકીલો ફેટે રૂપિયા 25 નો વધારો કર્યો છે. આ ભાવ વધારો બનાસ ડેરી સાથે જોડાયેલા પશુપાલકોને વધુ આર્થિક સમર્થ કરશે.