સામાન્ય સભામાં રજૂ થયેલા શિક્ષકોના ડ્રેસ કોડ અંગેનો પ્રસ્તાવ ફગાવતા બોર્ડે કહ્યુ હતુ કે, શિક્ષકોએ કેવા કપડા પહેરવા તે નક્કી કરવાનું કામ બોર્ડનુ નથી
GSHSEBની સામાન્ય સભામાં અનેક મોટા નિર્ણયો કરવામાં આવ્યા
ધો.10 અને 12ના વિદ્યાર્થીઓના પ્રમાણપત્ર DG લોકર પર અપલોડ થશે
સામાન્ય સભામાં શિક્ષકોના ડ્રેસ કોડ અંગેનો પ્રસ્તાવ પણ બોર્ડે ફગાવી દીધો
GSHSEBની સામાન્ય સભામાં શિક્ષણ બોર્ડનું 186.82 કરોડનું બજેટ મંજૂર
ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડની સામાન્ય સભામાં એક મોટો નિર્ણય કરવામાં આવ્યો છે. વાત જાણે એમ છે કે, હવેથી ધો.10 અને 12ના વિદ્યાર્થીઓના પ્રમાણપત્ર DG લોકર પર અપલોડ થશે. આ સાથે સામાન્ય સભામાં રજૂ થયેલા શિક્ષકોના ડ્રેસ કોડ અંગેનો પ્રસ્તાવ ફગાવતા બોર્ડે કહ્યુ હતુ કે, શિક્ષકોએ કેવા કપડા પહેરવા તે નક્કી કરવાનું કામ બોર્ડનુ નથી.
GSHSEBની સામાન્ય સભામાં અનેક નિર્ણયો કરવામાં આવ્યા હતા. જેમાં સરકાર નિયુક્ત બે સભ્યોને સમિતિઓમાં સ્થાન અને સાથે સાથે શિક્ષણ બોર્ડનું 186.82 કરોડનું બજેટ મંજૂર કરાયું છે. આ સાથે હવેથી રાજ્યના ધો.10 અને 12ના વિદ્યાર્થીઓના પ્રમાણપત્ર DG લોકર પર અપલોડ થશે. આ સાથે આ સામાન્ય સભામાં શિક્ષકોના ડ્રેસ કોડ અંગેનો પ્રસ્તાવ પણ બોર્ડે ફગાવી દીધો હતો.
10 અને 12ના વિદ્યાર્થીઓના પ્રમાણપત્રને લઈ મોટો નિર્ણય
GSHSEBની સામાન્ય સભામાં સભ્યો દ્વારા ધોરણ 10 અને 12ના વિદ્યાર્થીઓના પ્રમાણપત્રોને CBSEની જેમ DG લૉકરમાં અપલોડ કરવાનો પ્રસ્તાવ રજૂ કરવામાં આવ્યો હતો. જેથી બોર્ડે આ પ્રસ્તાવ પણ મંજૂર કરી દીધો છે. જેને લઈ હવે આગામી દિવસોમઅ આ અંગે કવાયત શરૂ કરવામાં આવશે.
શિક્ષણ બોર્ડનું 186.82 કરોડનું બજેટ મંજૂર
શુક્રવારે મળેલી GSHSEBની સામાન્ય સભામાં શિક્ષણ બોર્ડનું વર્ષ-2023-24નું રૂ.186.82 કરોડનું બજેટ મંજૂર કરવામાં આવ્યું છે. આ સાથે ગ્રાન્ટેડ શાળાઓમાં કોમ્પ્યુટર ફી રૂ.50થી વધારી રૂ.150 કરવા માટે બોર્ડ દ્વારા સરકારમાં મંજુરી અર્થે દરખાસ્ત કરવામાં આવશે. આ તરફ સામાન્ય સભામાં સરકાર નિયુક્ત બે સભ્યોની પરીક્ષા, કારોબારી અને શૈક્ષણિક સમિતીમાં નિયુક્તિ કરવામાં આવી છે.