એક્ટ્રેસે પોતાના ઈન્ટાગ્રામ અકાઉન્ટ પર એક પોસ્ટ શેર કરી ખુશખબરી પોતાના ફેન્સ સાથે શેર કરી હતી. થોડીક વાર પહેલા જ શેર કરવામાં આવેલી આ પોસ્ટમાં એક્ટ્રેસે લખ્યું, અમે આ જણાવતા બહું ખુશ છીએ કે અમે સરોગેસીના માધ્યમથી અમારા બાળકનું સ્વાગત કરીએ છીએ. અભિનેત્રીએ આગળ લખ્યું કે, આ ખાસ પ્રસંગ પર અમે સન્માન પૂર્વક પોતાના ઓળખ ખાનગી રાખવાની માંગ કરીએ છીએ કેમ કે આ સમયે અમે પોતાનું ધ્યાન અમારા પરિવાર પર કેન્દ્રિત કરવા ઈચ્છીએ છીએ. તમામનો આભાર.’
સોશલ મીડિયા પર અભિનંદનનો વરસાદ
સોશલ મીડિયા પર આ સમાચાર સામે આવતા જ આ કપલને અભિનંદનનો વરસાદ શરુ થઈ ગયો છે. અભિનેત્રીએ આ પોસ્ટ પર તેના ફેન્સને લઈને અનેક સેલિબ્રિટી સુધી કમેન્ટ કરી રહ્યા છે. આ ઉપરાંત કપલના મિત્રો અને પરિવાર વાળા પણ તેને અભિનંદન આપી રહ્યા છે.
5 લાખથી વધારે લોકો લાઈક કરી ચૂક્યા છે
નિકના ભાઈ જો જોનસે પ્રિયંકા અને નિક બન્નેની પોસ્ટ પર દિલના ઈમોજી કમેન્ટ કર્યા. ત્યારે અભિનેત્રી લારા દત્તાએ લખ્યુ, અભિનંદન. આ ઉપરાંત તેમના ફેન્સ પણ આ સમાચારથી બહું ખુશ છે. થોડાક સમય પહેલા શેર કરવામાં આવેલી પોસ્ટને અત્યાર સુધીમાં 5 લાખથી વધારે લોકો લાઈક કરી ચૂક્યા છે.
હાલમાં જ બન્નેએ લગ્નની ત્રીજી વર્ષગાંઠ મનાવી હતી
ઉલ્લેખનીય છે કે પ્રિયંકા ચોપરા અને નિક જોનસે વર્ષ 2018માં રાજસ્થાનના જોધપુરના ઉમેદ ભવન પેલેસમાં હિંદુ અને ઈસાઈ રીતિ- રિવાજથી લગ્ન કર્યા હતા. હાલમાં જ બન્નેએ લગ્નની ત્રીજી વર્ષગાંઠ મનાવી હતી. ગત દિવસોમાં પ્રિયંકાએ પોતાના ઈન્ટાગ્રામ અકાઉન્ટથી પોતાના પતિ નિક જોનસના સરનેમ હટાવી હતી. જે બાદ બન્નેના અલગ થવાના સમાચાર ફેલાયા હતા. જોકે બાદમાં આ માત્ર અફવા સાબિત થઈ હતી.