ઉનાળાની શરૂઆત થઈ ગઈ છે. આ સિઝનમાં ડિહાઈડ્રેશન, સનસ્ટ્રોક, ચેપી રોગ થવાની શક્યતાઓ વધુ હોય છે. આવામાં ઉનાળાના પ્રારંભથી થોડી કાળજી લેવાનું રાખશો તો હેલ્થ સારી રહેશે. ચાલો જાણીએ.
ઉનાળો એવી સિઝન છે કે આ દરમિયાન દરેક કામમાં કંટાળો આવે છે
આ સિઝનમાં ડિહાઈડ્રેશન, સનસ્ટ્રોક, ચેપી રોગ થવાની શક્યતાઓ વધુ હોય છે
ઉનાળામાં થોડી કાળજી લેવાનું રાખશો તો હેલ્થ સારી રહેશે.
ઉનાળો એવી સિઝન છે કે આ દરમિયાન દરેક કામમાં કંટાળો જ આવે. સ્કીન, વાળ બગડી જાય, ડિહાઈડ્રેશન થઈ જાય. ઉનાળામાં બોડી બેલેન્સ રાખવા માટે પાણી ખૂબ પીવું એ દરેક ડોક્ટરર્સ અને ડાયેટિશિયન સલાહ આપે છે.
ઉનાળામાં આવું ખાનપાન રાખો
રાત્રે એક ચમચી વરિયાળી, પાંચ થી છ કાળી દ્રાક્ષ પલાળી રાખવી. સવારે ઉઠીને બંને મિક્સ કરી બે ગ્લાસ પાણી સાથે પી જવું.
સવારે કોઈ પણ એક ફ્રૂટ એક નાની વાડકી ભરીને ખાવું. ટેટી, તરબૂચ વગેરે.
આ સીઝનમાં સલાડ. છાશ જમ્યા પછી એક કલાક રહીને પીવી. (મરી મસાલા-તેલ ઓછા વાપરવા)
ફૂદીનો, કોથમીર, લીંબુનું પાણી અથવા કોલ્ડ ગ્રીન ટી ઉનાળામાં બેસ્ટ ડ્રિંક માનવામાં આવે છે.
રાત્રે વેજિટેબલ સૂપ પીવું અને જો ખાવું હોય તો દૂધ પૌઆ, ખીચડી, ફાડાની ખીચડી, ઓટ્સ, કોન્ફલેક્સ, દહીં-ભાત જેવો હળવો ખોરાક લેવો.
ઉનાળામાં આટલું અવશ્ય ધ્યાન રાખો.
દ્રાક્ષ, તરબૂચ, લીંબુ, પાઈનેપલ, કેળાનું જ્યુસથી શરીરમાં ડિહાઈડ્રેશન નહીં થાય અને પાચનક્રિયા સારી રહેશે. રોજના આહારમાં કાકડીનો સમાવેશ કરવો. કોફી, ચા જેવા કેફીનથી દૂર રહો.
તાપમાં બહાર નીકળો ત્યારે સનસ્ક્રીન અને સન પ્રોટેક્ટિવ કપડાં પહેરો. સારી ક્વોલિટીના ગોગલ્સ પહેરો.
ઉનાળામાં મચ્છરોનો ઉપદ્રવ વધે છે તેથી બને ત્યાં સુધી સ્વચ્છતા જાળવો. ઘરમાં ઘૂપ કરો.
તીખું-તળેલું અને હેવી ફૂડ લેવાનું ટાળો
ઉનાળામાં છાશ, લીબું પાણી, નારિયેળ પાણી, ગ્રીન ટી તેમજ પાણી વાળા શાકભાજી ખાવાનો આગ્રહ રાખવો. શિયાળામાં જેવી રીતે હેવી ખોરાક લેવાની આદત પડી હોય તેને હવે અવોઈડ કરવી. તીખો-તળેલો ખોરાક ઓછો ખાવો.
પ્રવાહી વધુ લેવું
તડકામાં શરીરમાં પાણી ઓછું થઈ જવાથી ઉનાળામાં બીમારીની સમસ્યા વધે છે. આવા સમયમાં પ્રવાહી વધુ લેવું. લગ્નગાળામાં દૂધની બનાવટો- કેરીનો રસ ખાતા પહેલાં તે ખરાબ નથી થઈ ગયો તેની ખાતરી કરવી. લગ્ન સિઝનમાં ફૂડ પોઈઝનિંગની સમસ્યા વધે છે તેથી લગ્નમાં ખાતાં પહેલા ધ્યાન રાખવું.
કઈ કઈ સમસ્યા વધે
ડિ હાઈડ્રેશન, ઈલેક્ટ્રોલાઈટ ઈમ્બેલેન્સ, સનસ્ટ્રોકની સમસ્યા ઉનાળામાં વધે છે. ચામડીના રોગો, સન બર્ન, હાઈ ગ્રેડ ફીવર, માથાનો દુખાવો, ગેસ્ટ્રોએન્ટેરીટીસની સમસ્યા વધે છે. બહારનું ખાવાનું ટાળવું, પાણી ઉકાળીને પીવું. આ મોસમમાં ડિહાઈડ્રેશન અને ડાયેરિયાની સમસ્યા ખૂબ જ વધી જાય છે.