ગુડ ન્યૂઝ / ઈકોનોમીના અચ્છે દિન! મોદી સરકાર માટે રાહતના સમાચાર, દેશના ઈન્ડસ્ટ્રિયલ પ્રોડક્શનમાં જોરદાર વધારો

• ઔદ્યોગિક ઉત્પાદનમાં 11.50 ટકાનો વધારો 
• મેન્યુફેક્ચરિંગ સેક્ટરમાં 10.5 ટકાનો વધારો
• એપ્રિલ-જુલાઈ દરમિયાન IIPના વૃદ્ધિ દરમાં 34.1 ટકા વધારો

Industrial production grows 11.5 pc in July: Govt data

— Press Trust of India (@PTI_News) September 10, 2021

જુલાઈમાં ઔદ્યોગિક ઉત્પાદન ક્ષેત્રોમાં 11.5 ટકાનો વધારો 

દેશના અર્થતંત્ર માટે સારા સમાચાર છે. ભારતના ઔદ્યોગિક ઉત્પાદનમાં આઈઆઈપી જુલાઈમાં 11.5 ટકાનો વધારો થયો છે, શુક્રવારે જાહેર થયેલા સત્તાવાર આંકડા મુજબ ગયા વર્ષે જુલાઈમાં ઔદ્યોગિક ઉત્પાદનમાં 10.5 ટકાનો ઘટાડો થયો હતો. ત્યારે એનએસઓ દ્વારા જાહેર કરાયેલા આંકડા મુજબ જુલાઈ મહિનામાં ઔદ્યોગિક પ્રોડક્શનમાં 11.5 ટકાનો વધારો થયો છે. એનએસઓ દ્વારા બહાર પડાયેલા ઔદ્યોગિક ઉત્પાદન ક્ષેત્રોમાં  જુલાઈ 2020 ની સરખામણીમાં જુલાઈ 2021માં ઔદ્યોગિક ઉત્પાદનમાં 7.2 ટકાનો વધારો નોંધાયો છે.

મેન્યુફેક્ચરિંગ સેક્ટરમાં 10.5 ટકાનો વધારો

જુલાઈ મહિના દરમિયાન મેન્યુફેક્ચરિંગ સેક્ટરમાં સૌથી વધુ 10.5 ટકા વધ્યું હતું. તેમજ જુલાઈમાં માઈનિંગમાં ઉત્પાદનમાં 19.5 ટકા અને વીજ ઉત્પાદનમાં 11.1 ટકાનો વધારો થયો છે

એપ્રિલ-જુલાઈ દરમિયાન IIP વૃદ્ધિ 34.1 ટકા હતો

આ વર્ષે એપ્રિલ-જુલાઈ દરમિયાન આઈઆઈપીનો ગ્રોથ 34.1 ટકા રહ્યો હતો. જ્યારે ગયા વર્ષે આ સમયગાળા દરમિયાન આઈઆઈપીની વૃદ્ધિદરમાં 29.3 ટકાનો ઘટાડો નોધાયો હતો. જો કે, ગયા વર્ષે માર્ચમાં કોરોના વાયરસના સંક્રમણના કારણે ઔદ્યોગિક ઉત્પાદનનોને મોટો ફ્ટકો પડ્યો હતો. તે સમયે આઈઆઈપીની વૃદ્ધિ દરમાં 18.7 ટકા ઘટી ગઈ હતી. એપ્રિલ 2020માં આઈઆઈપી ગ્રોથ ઘટી-57.3 ટકા થયો  

આર્થિક આંકડાઓમાં થઈ રહ્યો છે સુધારો 

છેલ્લા કેટલાક દિવસોમાં આવા ઘણા આંકડાઓમાં સુધાર આવ્યા છે, જેનો સીધો અર્થ દેશના અર્થતંત્રમાં સુધારાના સંકેત દર્શાવે છે. તાજેતરમાં જીડીપી અને જીએસટીના આંકડામાં પણ વધારો જોવા મળ્યો છે.

કોરોના મહામારીમાં ઈકોનોમી થઈ હતી આવી હાલત 

ઉલ્લેખનીય છે કે કોરોના મહામારીમાં દેશની ઈકોનોમીને તગડો ઝટકો લાગ્યો હતો. નાણાકીય વર્ષ 2020-21 ના પહેલા ત્રિમાસિકમાં જીડીપીમાં 23.9 ટકાનો મોટો ઘટાડો નોંધાયો હતો. ત્યાર બાદ બીજા ત્રિમાસિકમાં જીડીપીમાં 7.5 ટકાનો ઘટાડો નોંધાયો હોતો. જ્યારે ત્રીજા ત્રિમાસિકમાં 0.4 ટકા તો ચોથા ત્રિમાસિકમાં 1.6 ટકાનો ઘટાડો આવ્યો હતો. આવી રીતે નાણાકીય વર્ષ 2020-21 માટે જીડીપી ગ્રોથ રેટ -7.3 ટકા રહ્યો હતો.