IPLIN
 
  • Home
  • Gujarat
  • Rajkot
  • Gondal got cool from the scorching heat, heavy winds and heavy rain with hail, drenched the surrounding villages.

વાતાવરણમાં પલ્ટો / બળતા તાપમાંથી ગોંડલને મળી ઠંડક, ભારે પવન અને કરા સાથે ખાબક્યો વરસાદ, આસપાસના ગામડા પણ ભીંજાયા, જુઓ વીડિયો

Team VTV 11:32 PM, 20 May 23 | Updated: 11:35 PM, 20 May 23
Follow us
Gondal got cool from the scorching heat, heavy winds and heavy rain with hail, drenched the surrounding villages.

ગોંડલ પંથકમાં લોકો અસહ્ય ગરમી અને ઉકળાટથી ત્રસ્ત બન્યા છે. ત્યારે એકાએક વાતાવરણમાં પલ્ટો આવતા અને પવન અને કરા સાથે કમોસમી વરસાદ વરસવાનો શરૂ થતા સમગ્ર શહેરમાં ઠંડક પ્રસરી જવા પામી હતી.

  • ગોંડલ પંથકમાં પવન અને કરા સાથે કમોસમી વરસાદ
  • અસહ્ય ગરમી અને ઉકળાટ વચ્ચે ગોંડલમાં વરસાદી માહોલ
  • જામવાડી, મોટા ઉમવાડા સહિતના ગામોમાં વરસાદી ઝાપટા
  • વરસાદને કારણે ગોંડલ શહેરમાં ઠંડક પ્રસરી

એક તરફ હવામાન વિભાગ દ્વારા યલો અલર્ટ આપવામાં આવ્યું છે. ત્યારે અચાનક ગોંડલ પંથકમાં પવન અને કરા સાથે કમોસમી વરસાદ પડ્યો હતો. અસહ્ય ગરમી અને ઉકળાટ બાદ એકાએક વરસાદી માહોલ છવાતા સૌ કોઈએ હાશ અનુભવી હતી. ગોંડલનાં જામવાડી, મોટા ઉમવાડા સહિતના ગામોમાં વરસાદી ઝાપટા સાથે વરસાદ વરસવાનું શરૂ થતા બપોર બાદ ગોંડલ શહેરનાં વાતાવરણમાં ઠંડક પ્રસરી જવા પામી હતી.

હવામાન વિભાગે એક દિવસ માટે યલો અલર્ટ આપ્યું
ગુજરાતમાં લોકો કાળઝાળ ગરમીથી રાહત મેળવવા ઘરની બહાર નીકળવાનું ટાળી રહ્યા છે. ત્યારે આજે અચાનક જ બપોર બાદ ગોંડલ પંથકમાં વાતાવરણમાં પલ્ટો આવતા સૌ કોઈએ રાહતનો શ્વાસ લીધો હતો. ત્યારે એકાએક ધોધમાર વરસાદ વરસવાનું શરૂ થતા લોકોએ ઠંડકનો અનુભવ કર્યો હતો. ત્યારે બીજી તરફ   હવામાન વિભાગના મતે આગામી 5 દિવસ રાજ્યમાં વાતાવરણ સુકૂ રહેશે જોકે કેટલાક શહેરોમાં તાપમાનનો પારો યથાવત રહેશે.અમદાવાદમાં એક દિવસ માટે યલો અલર્ટ આપવામાં આવ્યું છે. એટલે કે અમદાવાદમાં તાપમાનનો પારો 43 ડિગ્રી સુધી રહી શકે છે. તો હવામાન વિભાગના મતે પવન પશ્ચિમ તરફથી ફૂંકાઈ રહ્યો છે. જેના કારણે વાતાવરણ સૂકી રહી શકે છે.

 

Gondal Rain Meteorological Department ગોંડલ જેતપુર વરસાદ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ