વિદ્યુત વિભાગ / ગોંડલમાં PGVCLના કર્મચારીઓ સાથે તકરાર કરતા ભાજપના MLA ગીતાબાના દિકરાનો વીડિયો વાઈરલ

• તૌકતે પસાર થયા બાદ પણ હજુ સુધી વીજ પુરવઠો ન મળતા લોકો પરેશાન
• ગોંડલમાં PGVCLના અધિકારીઓ ફોન ન ઉઠાવતા હોવાની ફરિયાદ
• PGVCL ઓફિસ પહોંચ્યા MLA ગીતાબેન જાડેજાના દીકરા જ્યોતિરાદિત્યાસિંહ 

તૌકતે વાવાઝોડું પસાર થયા બાદ પણ હજુ સુધી વીજ પુરવઠો ન મળતા લોકો પરેશાન છે. ત્યારે ગોંડલમાં PGVCLના અધિકારીઓ ફોન ન ઉઠાવતા હોવાની ફરિયાદ પણ સામે આવી રહી છે. લોકોની ફરિયાદ લઈને MLA ગીતાબેન જાડેજાના દીકરા જ્યોતિરાદિત્યાસિંહ  PGVCL ઓફિસ પહોંચ્યા હતા. જ્યાં અધિકારીઓ સાથે શાબ્દિક તકરારનો વીડિયો વાઈરલ થયો છે. અને ત્વરિત વીજ પુરવઠો શરૂ કરવા અધિકારીઓને તાકીદ કરી હતી. 

ગુજરાતમાં તૌકતે વાવાઝોડાના કારણે નુકસાન બાદ PMએ જાહેર કર્યું રાહત પેકેજ

તૌકતેનો સૌથી વધારે ભોગ બનેલા ભાવનગર, અમરેલી અને ગીર સોમનાથનું હવાઈ સર્વેક્ષણ કર્યાં બાદ પ્રધાનમંત્રીએ ગુજરાત માટે 1000 કરોડના રાહત પેકેજની જાહેરાત કરી છે.

મૃતકોના પરિવારને 2 લાખની સહાય

વાવાઝોડામાં મોતને ભેટેલા લોકોના પરિવારજનોને 2-2 લાખની તથા ઈજાગ્રસ્તોને 50 હજારની સહાયની જાહેરાત કરવામાં આવી છે. પ્રભાવિત વિસ્તારોના આકલન માટે એક કેન્દ્રીય ટીમ પણ ગુજરાત આવશે અને જાત માહિતી મેળવીને સરકારને રિપોર્ટ આપશે. સર્વે માટે એક ટીમ પણ ગુજરાત આવશે.

ગુજરાતમાંથી વાવઝોડુ આગળ વધીને હવે રાજસ્થાન તરફ વળ્યુ છે. ત્યારે ગુજરાતમાં વાવાઝોડાએ વિનાશ સર્જતા હજારો કરોડોનું નુકસાન કર્યું છે. રાજ્યમાં વાવાઝોડાના કારણે થયેલા નુકસાનને લઈને ડિઝાસ્ટર વિભાગ દ્વારા પ્રાથમિક સર્વેનો ડેટા જાહેર કરવામાં આવ્યો છે. જેમાં રાજ્યમાં 3000 કરોડનું નુકસાન થયું હોવાનું કહેવામાં આવ્યું છે. સાથે જ કૃષિ, ઉર્જા અને માર્ગ મકાન સેક્ટરમાં મોટુ નુકસાન થયું છે. ઉર્જા સેક્ટરમાં અંદાજે 1400 કરોડનું નુકસાન થયું છે.

તો કૃષિ ક્ષેત્રમાં 1200 કરોડના નુકસાનનો અંદાજો લગાવવામાં આવ્યો છે. વાવાઝોડાએ કેરીના પાકને ખૂબ નુકસાન પહોંચાડ્યું છે. સૌરાષ્ટ્રમાં 13800 હેક્ટરમાં આવેલા આંબાના વૃક્ષો વાવાઝોડાની ઝપેટમાં આવતા 60 કરોડનું નુકસાન થયું છે. રોડ અને બિલ્ડીંગ ક્ષેત્રમાં અંદાજે 50 કરોડનું નુકસાન થયુ છે જ્યારે અન્ય ક્ષેત્રોમાં 350 કરોડના નુકસાનનો અંદાજ લગાવવામાં આવ્યો છે. 

તૌકતે વાવાઝોડાથી ગુજરાતમાં જાનમાલની નુકસાની

તૌકતે વાવાઝોડાએ ગુજરાતમાં જે વિનાશ સર્જો તેમાં જાનમાલનું પણ નુકશાન થયું છે. ગુજરાતમાં વાવાઝોડાના કારણે કુલ 45 લોકોના મોત થયા છે. અનેક જગ્યાએ મકાનો, વૃક્ષો, વીજપોલ ધરાશાયી થયા છે. જ્યારે અનેક પશુઓના પણ મોત થયા છે.