Wednesday, August 21, 2019
સબસ્ક્રાઈબ કરો VTVGujarati ન્યુઝ Whatsapp

વાડ ચીભડા ગળે.! ગોંડલ પોલીસનો વાહનચાલકો પાસેથી નાણાં ઉઘરાવતો VIDEO વાયરલ

વાડ ચીભડા ગળે.! ગોંડલ પોલીસનો વાહનચાલકો પાસેથી નાણાં ઉઘરાવતો VIDEO વાયરલ
ગોંડલમાં ટ્રાફિક પોલીસનો વિડીયો વાયરલ થયો છે. વાહનચાલકો પાસેથી રૂપિયા ઉઘરાવતો વિડીયો વાયરલ થયો છે. વિડીયોમાં વાહનચાલકો પર પોલીસમેન ધાક જમાવી રહ્યો છે. પોલીસમેન વાહનચાલકો પાસેથી દાદાગીરીથી નાણા ઉઘરાવી રહ્યો છે.

આ ઘટના અંગે મળતી વિગત અનુસાર ગોંડલ ટ્રાફિક પોલીસનો એક VIDEO વાયરલ થયો હતો આ વીડિયોમાં એક ટ્રાફિક પોલીસકર્મી વાહનચાલકો પાસેથી રૂપિયા ઉઘરાવતો જોવા મળી રહ્યો છે. આ સાથે તે વાહનચાલકો પર ધાર જમાવી રહ્યો છે તેવું ખાસ જોવા મળી રહ્યું છે.

આપને જણાવી દઇએ કે આ પહેલા સુરતના રેલ્વે સ્ટેશનની સામે પોલીસકર્મીનો નાણાની ઉઘરાણી કરતો વીડિયો વાયરલ થયો હતો. એક્ટિવા ચાલક પાસેથી પોલીસકર્મીએ નાણા પડાવ્યા જેના વીડિયો વાયરલ થઈ રહ્યો હતો. સરકાર દ્વારા લાંચ લેતા અધિકારીઓને રોકવા માટે CCTV લગાવવામાં આવ્યા છે ત્યારે હવે પોલીસકર્મીએ CCTVથી બચવા માટે રીક્ષા પાછળ સંતાડીને લાંચ લેતો વીડિયો વાયરલ થયો છે.  



ઉલ્લેખનીય છે કે આ પહેલા પણ બોટાદના એક મહિલાપોલીસ અધિકારીનો VIDEO વાયરલ થયો હતો જેમાં મહિલા પોલીસ અધિકારી વાહન ચાલકો પાસેથી પઠાણી ઉઘરાણી કર્યા નજરો પડ્યા હતા. ત્યારે સવાલ એ ઉઠે છે કે એક તરફ સરકાર ભ્રષ્ટાચાર હટાવોના અભિયાન ચલાવી રહી છે ત્યારે બીજી તરફ ખુદ રક્ષક જ આ રીતે ભક્ષક બને તો પ્રજાને ફરિયાદ કોની પાસે કરવી..?

જો કે આ મામલે સરકાર અને પોલીસ અધિકારી દ્વારા આવી ગેરકાયદેસર નાણાની ઉઘરાણી કરતા પોલીસકર્મીઓ સામે લાલ આંખ કરવામાં આવે અને તેમની સામે કડક કાર્યવાહી કરવામાં આવે તેવી લોકમાંગ ઉઠવા પામી છે.

જોવા જેવું વધુ જુઓ

બ્રેકિંગ ન્યૂઝ