સોનાના ભાવ હાલમાં આસમાને છે ત્યારે મોદી સરકાર તમારા માટે બજાર ભાવથી સસ્તામાં સોનું ખરીદવાનો અવસર લાવી છે. સોવરેન ગોલ્ડ બોન્ડની 9મી સીરીઝની શરૂઆત આવતીકાલથી થશે. આ સ્કીમમાં તમે 1 જાન્યુઆરી 2021 સુધી સોનું ખરીદી શકશો. આ માટેની ઈશ્યૂ પ્રાઈસ રૂ. 5000 પ્રતિ ગ્રામ નક્કી કરાઈ છે.
સોવરેન ગોલ્ડ બોન્ડની 9મી સીરીઝની શરૂઆત
28 ડિસેમ્બરથી 1 જાન્યુઆરી સુધી મળશે લાભ
ઈશ્યૂ પ્રાઈસ રૂ. 5000 પ્રતિ ગ્રામ રખાઈ
50 હજાર રૂપિયામાં મળશે 10 ગ્રામ સોનું
આ સીરિઝ માટે સરકારે સોનાની કિંમત 5000 રૂપિયા પ્રતિ ગ્રામ નક્કી કરી છે. એટલે કે તમે 50000 રૂપિયામાં 10 ગ્રામ સોનું ખરીદી શકો છો. જો તમે ઓનલાઈન પેમેન્ટ કરો છો તો તમે પ્રતિ ગ્રામ 50 રૂપિયાનું ડિસ્કાઉન્ટ પણ મેળવો છો.
સોનાના ભાવ રિઝર્વ બેંક દ્વારા નક્કી કરવામાં આવે છે
બોન્ડની રકમ સબ્સ્ક્રિપ્શન શરૂ થયાના પહેલાં અઠાડિયાના છેલ્લા 3 કારોબારી દિવસમાં 999 શુદ્ધતાવાળા સોનાના બંધ પ્રાઈસ પર નક્કી કરવામાં આવે છે. સોવરેન ગોલ્ડ બોન્ડની 9મી સીરીઝના ભાવને 22, 23 અને 24 ડિસેમ્બરના સોનાના ભાવના આધારે નક્કી કરાયા છે. જો કે આ સોનું ફિઝિકલ નહીં પણ બોન્ડ તરીકે હશે. કેન્દ્ર સરકારની ગોલ્ડ બોન્ડ યોજના હેઠળ સસ્તા ભાવે સોનું ખરીદી શકાય છે. સોનાના ભાવ રિઝર્વ બેંક દ્વારા નક્કી કરવામાં આવે છે જે બજાર કિંમત કરતા ઓછા હોય છે.
આ રીતે ખરીદી શકાશે બોન્ડ
આ ખરીદવા માટે તમારે તમારી બેંક, BSE, NSE વેબસાઇટ અથવા પોસ્ટ ઓફિસનો સંપર્ક કરવો પડશે. તેને અહીંથી ડિજિટલી ખરીદી શકાય છે. આ એક પ્રકારનું સુરક્ષિત રોકાણ છે કારણ કે ત્યાં ન તો શુદ્ધતાની ચિંતા છે કે ન સુરક્ષાની સમસ્યા.
ડિજિટલ પેમેન્ટ પર મળશે 50 રૂપિયાની છૂટ
રિઝર્વ બેંક ઓફ ઇન્ડિયા (RBI) દ્વારા આપવામાં આવેલી માહિતી મુજબ આ વખતે ગોલ્ડ બોન્ડની કિંમત પ્રતિ ગ્રામ રૂપિયા 5,051 નક્કી કરવામાં આવી છે. આ ઉપરાંત ઓનલાઇન અરજી કરવા અને ડિજિટલ માધ્યમ દ્વારા ચુકવણી કરનારા રોકાણકારોને 50 રૂપિયા પ્રતિ ગ્રામ છૂટ આપવાનો નિર્ણય લેવામાં આવ્યો છે. આવા રોકાણકારો માટે ગોલ્ડ બોન્ડની કિંમત પ્રતિ ગ્રામ 5,001 હશે.
બચાવી શકાય છે ટેક્સ
ઘરમાં સોનું ખરીદવાને બદલે તમે સોવરેન ગોલ્ડ બોન્ડમાં રોકાણ કરો છો તો તમે ટેક્સ પણ બચાવી શકો છો. આ સિવાય આ સ્કીમમાં રોકાણ કરનારાઓ એક વર્ષમાં વધારેમાં વધારે 500 ગ્રામ સોનાના બોન્ડ ખરીદી શકે છે.
વધુમાં વધુ આટલું ખરીદી શકાશે સોનું
કોઈ પણ વ્યક્તિ કે એચયુએફ એક કારોબારી વર્ષમાં વધારેમાં વધારે 4 કિલો સોનું ખરીદી શકે છે. ટ્રસ્ટ કે સંગઠન માટે 20 કિલો સોનાની લિમિટ છે અને તેની મેચ્યોરિટી 8 વર્ષની છે.
મળશે 2.5 ટકાનું વ્યાજ
તમને જણાવી દઈએ કે તમે બોન્ડ વેચવા ઈચ્છો છો તો તમારે 5 વર્ષની રાહ જોવી પડે છે. આ સ્કીમના આધારે રોકાણ પર 2.5 ટકા વ્યાજ મળશે.