સોનું એવી ધાતુ છે કે દરેક વ્યક્તિ પોતાની કમાણીનું રોકાણ તેમાં કરે છે. સોનું એવી વસ્તુ છે કે જે લોકો વચ્ચે બહુ ફરતું નથી. પરંતુ લોકો તેને સ્ટોર કરી રાખે છે. દેશની તિજોરી અને દેશનું નાણું જેના પર નિર્ભર છે તે સોનું હવે પુરુ થવા આવ્યું છે.
પૂર્ણ થવાને આરે સૌથી કિંમતી ધાતુ
જમીનમાં હવે નથી રહ્યું સોનું
એક કંપનીનો મોટો દાવો
ઉલ્લેખનીય છે કે, વિશ્વની એક જાણીતી કંપનીએ દાવો કર્યો છે કે જમીનમાં હવે સોનું પુરુ થઈ ગયું છે. જમીનની અંદર બહુ સોનું રહ્યું નથી. તો કેટલાક વિશેષજ્ઞો માની રહ્યા છે કે જમીનની અંદર માત્ર 35 ટકા જ સોનું બચ્યું છે. 2019ના વર્ષમાં જમીનમાંથી 3 હજાર 531 ટન સોનું કાઢવામાં આવ્યું હતું. જ્યારે 2018માં 2019 કરતા પણ વધારે સોનું કાઢવામાં આવ્યું હતું.
જમીનની નીચે લગભગ 54,000 ટન સોનું બાકી
દુનિયાભરમાં કેટલું સોનું બાકી છે આ વાતનું અનુમાન ખનન કંપનીઓ કેટલીક રીતે લગાવે છે. WGCના જણાવ્યા મુજબ, હાલમાં જમીનની નીચે લગભગ 54,000 ટન સોનું છે, જેનું ખોદકામ હજી બાકી છે. પરંતુ જમીનની નીચે દફનાવવામાં આવેલું આ સોનું અત્યાર સુધીમાં કાઢવામાં આવેલ સોનાના માત્ર 30 ટકા જ છે. બાકીનું સોનું આપણા ઘરો અથવા બેંકોમાં ગયું છે.
વૈશ્વિક કંપની ગોલ્ડમેન સૈશના જણાવ્યા પ્રમાણે 2035નાં દુનિયામાંથી ખતમ થઇ જશે. સોનાની મોટાભાગની ખાણ ખાલી થઇ ચુકી છે. નવી ખાણોની ખોજ નહીં હોવાને કારણે આવા હાલ જોવા મળી રહ્યા છે.
અન્ય ગ્રહો પર પણ થઇ રહી છે સોનાની ખોજ
બીબીસીના એક રિપોર્ટ પ્રમાણે, વૈજ્ઞાનિક હવે ચંદ્ર પર પણ સોનાની સંભાવના દેખાઇ રહી છે. તેવી જ રીતે જો સોનું મળી પણ જાય તો સ્પેસમાંથી તેને ખોદીને ધરતી પર લાવવું સોનાની મૂળ કિંમતથી વધુ હશે. હાલ તેના પર એટલું કામ નહીં કરવામાં આવે.