અત્યાર સુધી આપણે 500 કે 1000 રૂપિયા સુધી મીઠાઈના ભાવ સાંભળ્યા હશે. વધી-વધીને 1500 રૂપિયા સુધી કોઈ મીઠાઈના ભાવ સાંભળ્યા હશે.. પરંતુ ક્યારેય એક કિલો મીઠાઈનો 9 હજાર રૂપિયા ભાવ સાંભળ્યો છે. નહીં જ સાંભળ્યો હોઈ. પરંતુ હા આવી પણ મીઠાઈ મળી રહી છે. ડાયમંડ સિટી એવા સુરતમાં સોનાના વરખવાળી મીઠાઈ તૈયાર કરાઈ છે.. જેના એક કિલોના ભાવ 9 હજાર રૂપિયા છે.. સ્વાભાવિક છે કે, રક્ષા બંધન અને જન્માષ્ટમી જેવો પર્વ છે.. ત્યારે મિઠાઈની માગ તો રહેવાની જ. તેવામાં સુરતના ઘોડ દોડ રોડ વિસ્તારમાં આવેલ 24 કેરેટ્સ મીઠાઈની દુકાનના સંચાલક દ્વારા સ્પેશિયલ સોનાની વરખવાળી મીઠાઈ તૈયાર કરાઈ છે. જેમાં કાજૂકતરી સહિતની મિઠાઈનો સમાવેશ થાય છે.. જોકે અહીં સુરતીઓમાં પણ ગોલ્ડન મિઠાઈની માગ જોવા મળી રહી છે... લોકોનો પ્રતિસાદ પણ ખુબ સારો જોવા મળી રહ્યો છે. તો ગોલ્ડન મીઠાઈ સૌકોઈ માટે એક આકર્ષણનું કેન્દ્ર પણ બની છે...