કામની વાત / ઘરમાં આટલા ગ્રામથી વધારે સોનું હોય તો સરકારી ગાઈડલાઇન વિરુદ્ધ, જાણો કાયદો

આખા દેશમાં ખાસ આપણે ભારતીયોને સોનું ખૂબ ગમે છે અને લગ્ન દરમિયાન લોકો સોનું ભેટમાં આપવાનું પસંદ કરે છે, જ્યારે ઘણા લોકો સોનામાં રોકાણ કરે છે. જો મહિલાઓની વાત કરીએ તો તેઓ પણ સોનાના ઘરેણાં પહેરવાનું પસંદ કરે છે. સોનાના ભાવમાં વધઘટ થાય છે, પરંતુ લોકોનો સોનું ખરીદવામાં રસ ઓછો થતો નથી. પરંતુ શું તમે જાણો છો કે તમે ઘરમાં કેટલું સોનું રાખી શકો છો?

જણાવી દઈએ કે ભારતમાં સોના માટે કોઈ કાનૂની મર્યાદા નથી પરંતુ CBDTએ ભારતમાં સોનું ખરીદવા પર કેટલીક મર્યાદાઓ દર્શાવી છે. જેમાં પરિણીત મહિલાઓ અને કુંવારી મહિલાઓ માટે અલગ-અલગ નિયમો છે. CBDT અનુસાર, પરિણીત મહિલાઓ 500 ગ્રામ સુધી સોનું રાખી શકે છે. જો આપણે અપરિણીત મહિલાઓ વિશે વાત કરીએ, તો તેમના માટે મર્યાદા 250 ગ્રામ છે.

આટલું જ નહીં પરિણીત અથવા અપરિણીત પુરુષોને 100 ગ્રામ સોનું પોતાની સાથે રાખવાની છૂટ છે. સાથે જ સોનાની ખરીદી પણ નિયમ છે કે જો તમે રૂ. 2 લાખ કે તેથી વધુનું સોનું ખરીદો છો, તો તેના માટે તમારું પાન કાર્ડ હોવું જરૂરી છે, જે આવકવેરા નિયમોની કલમ 114B હેઠળ આવે છે.

આવકવેરા કાયદાની કલમ 269ST હેઠળ, તમે સોનું ખરીદવા માટે એક દિવસમાં 2 લાખ રૂપિયાથી વધુના રોકડ વ્યવહારો કરી શકતા નથી. આ પછી પણ, જો તમે આમ કરો છો, તો આવકવેરા અધિનિયમની કલમ 271D હેઠળ રોકડ વ્યવહારની રકમ સમાન દંડ લાદવામાં આવે છે.

વધુ વાંચો: બજાજ હાઉસિંગના શેર રખાય કે વેચી દેવાય? એક્સપર્ટની આ સલાહ માનશો તો ફાયદામાં રહેશો

હવે આ સોના પરના ટેક્સને લઈને ઘણા પ્રશ્નો હોય છે તો જો તમે ઘોષિત આવક અથવા ટેક્સ-મુક્ત આવકમાંથી સોનું ખરીદ્યું હોય, તો તેના પર કોઈ ટેક્સ લાગતો નથી. આ સિવાય પરિવાર પાસેથી મળેલા સોના પર કોઈ ટેક્સ લાગતો નથી. સાથે જ જો સોનું વેચાય છે તો તેના પર ટેક્સ લાગે છે. આ સિવાય જો સોનું ત્રણ વર્ષ માટે રાખવામાં આવે છે અને તે પછી જ્યારે કિંમત વધે છે ત્યારે તેને વેચવામાં આવે છે, તો તેના પર મળેલા નફાને લોંગ ટર્મ કેપિટલ ગેન્સ (LTCG) તરીકે વસૂલવામાં આવે છે.