કાર્યવાહી / અમદાવાદ એરપોર્ટ પર સોનાની દાણચોરી! 2 કરોડનું 3 કિલો ગોલ્ડ જપ્ત, તપાસમાં થયો ચોંકાવનારો ખુલાસો

• અમદાવાદ એરપોર્ટ પરથી 3 કિલો સોનું ઝડપાયું
• દુબઈથી આવેલો પેસેન્જર લાવ્યો હતો સોનું
• સ્કેનિંગ સમયે શંકાસ્પદ લાગતા તપાસ કરાઈ હતી
• એર ઇન્ટેલિજન્સમી ટીમે શંકાસ્પદ લગતા તપાસ હાથ ધરી હતી
• એરપોર્ટ પર પાર્કિંગની કામગીરી કરતા શખ્સની સંડોવણી બહાર આવી 

અમદાવાદ એરપોર્ટ પર સોનાની દાણચોરીની ઘટના સામે આવી છે. પ્રાથમિક વિગતો મુજબ દુબઈથી આવેલ મુસાફર પાસેથી 3 કિલો સોનું પકડાયું છે. મહત્વનું છે કે, મુસાફરના સ્કેનિંગ સમયે શંકાસ્પદ લાગતા તપાસ કરાઈ હતી. જેમાં તેની પાસેથી 3 કિલો સોનું મળી આવ્યું હતું. પ્રાથમિક તપાસમાં એરપોર્ટ પર પાર્કિંગની કામગીરી કરતા શખ્સની સંડોવણી બહાર આવી છે. જેને લઈ હવે વધુ તપાસ શરૂ કરવામાં આવી છે. 

અમદાવાદ એરપોર્ટ પરથી ફરી એકવાર સોનાની દાણચોરી કરતાં મુસાફર ઝડપાયો છે. વિગતો મુજબ અમદાવાદ એરપોર્ટ પર સ્કેનિંગ સમયે એક ચોંકાવનારી ઘટના બની હતી. જેમાં એક મુસાફર શંકાસ્પદ લાગતા સ્કેનિંગ સમયે એર ઇન્ટેલિજન્સની ટીમ દ્વારા તેની તપાસ કરવામાં આવી હતી. જેમાં મુસાફર પાસેથી સરેરાશ 3 કિલો સોનું પકડાયું છે. આ તરફ ઝડપાયેલા સોનાની બજાર કિંમત 2 કરોડ હોવાનું પણ સામે આવ્યું છે. 

દુબઈથી આવેલા પેસેન્જર પાસેથી ઝડપાયું 3 કિલો સોનું
વિગતો મુજબ દુબઈથી અમદાવાદ એરપોર્ટ પર આવેલા મુસાફર શંકાસ્પદ લગતા એર ઇન્ટેલિજન્સની ટીમ દ્વારા તેની તપાસ કરવામાં આવી હતી. જોકે ધવલ પટેલ નામના પેસેન્જરની તપાસમાં તેની પાસેથી 2 કરોડની કિંમતનું 3 કિલો સોનું પકડાયું હતું. જોકે તે સોનું કોના કહેવા પર લઈ આવ્યો તે અંગે તપાસ શરૂ કરાઇ હતી. 

એરપોર્ટ પાર્કિંગના માણસની જ સંડોવણી ખૂલી 
દુબઈથી આવેલા પેસેન્જર પાસેથી 3 કિલો સોનું ઝડપાયા બાદ એર ઇન્ટેલિજન્સની ટીમ દ્વારા વધુ તપાસ શરૂ કરવામાં આવી હતી. પ્રાથમિક તપાસમાં એરપોર્ટ પર પાર્કિંગની કામગીરી કરતા શખ્સની સંડોવણી બહાર આવી છે. આરોપીએ એરપોર્ટ પર પાર્કિંગની કામગીરી કરતા અનિલ પટેલના કહેવાથી સોનુ લાવ્યાની કબૂલાત કરી હોવાનું સામે આવ્યું છે.