આજે ફરી સોના ચાંદીનાં ભાવમાં વધારો જોવા મળ્યો છે. જાણો આજના લેટેસ્ટ રેટ અને આ ભાવ વધારા પાછળનું કારણ
સોના - ચાંદીનાં ભાવમાં વધારો
જાણો આજના લેટેસ્ટ રેટ
જાણો શા માટે કિંમતોમાં જોવા મળ્યો ઉછાળ
સોના - ચાંદીનાં ભાવમાં વધારો
ગ્લોબલ માર્કેટમાં કિંમતો વધવાને કારણે શુક્રવારે બારતીય બજારમાં પણ સોના-ચાંદીનાં રેટ વધી ગયા છે. મલ્ટી કમોડીટી એકસચેંજ પર સોનાનો રેટ ફરી 52 હજારનાં સ્તરને પાર કરી ગયો છે.
MCX પર સવારે 9:10 વાગ્યે 24 કેરેટ શુદ્ધતાનાં સોનાનો વાયદા ભાવ 308 રૂપિયા વધીને 57,075 રૂપિયા પ્રતિ 10 ગ્રામ છે. એકસચેંજ પર ટ્રેડીંગની શરૂઆતમાં સોનાનો ભાવ 51,702 રૂપિયા પર ખુલ્યો હતો. ત્યાર બાદ સતત માંગ વધવાને કારણે પીળી ધાતુની કિંમતોમાં વધારો થતો ગયો અને થોડી જ મિનીટમાં આ ભાવ 52 હજારનાં સ્તરને પાર કરી ગયો.
ચાંદીની કિંમત પણ વધી
MCX પર સવારે ચાંદીની શરૂઆત સારી રહી અને મોટા ઉછાળ સાથે 69,663 રૂપિયા પ્રતિ કિલોગ્રામનાં ભાવ સાથે ખુલી. જોકે ટ્રેડીંગ આગળ વધવા પર રોકાણકારોએ થોડું વેંચાણ કરીને પ્રોફિટ મેળવવાનું શરુ કરી દીધું. આ છતાં પણ ચાંદીનો રેટ વધવાની સાથે 69,450 રૂપિયા પ્રતિ કિલોગ્રામ પર પહોંચી ગયો.
ગ્લોબલ માર્કેટમાં પણ ઉછાળ
રશિયા - યુક્રેન સંકટ વચ્ચે અને ગેસનાં ભાવ વધવાથી રોકાણકારો સોના-ચાંદીની ખરીદી પણ વધારી રહ્યા છે. ગ્લોબલ માર્કેટમાં સોનાનો ભાવ જ્યાં 0.22 ટકા વધીને 1,962.85 ડોલર પ્રતિ ઓંસ પહોંચી ગયો છે, જ્યારે ચાંદીની કિંમતોમાં પણ 0.16 ટકાનો ઉછાળ આવ્યો અને ભાવ 25.96 ડોલર પ્રતિ ઓંસ રહ્યો છે.
શા માટે વધ્યા ભાવ?
રશિયા - યુક્રેન યુદ્ધને કારણે દુનિયાભરનાં શેર બજારમાં ઉતાર-ચઢાવ જોવા મળી રહ્યા છે અને તેની અસર ભારતનાં બજાર પર પણ જોવા મળી રહી છે. રોકાણકાર સુરક્ષિત રિટર્નની તલાશમાં એક વાર ફરી સોના તરફ વળી રહ્યા છે, જેથી માંગ વધવાથી સોનાનો ભાવ આસમાને પહોંચ્યો છે. જ્યારે કોરોનાથી રાહત બાદ ઔદ્યોગિક ગતિવિધિઓ હવે ફરી ઝડપ પકડવા લાગી છે, જેથી ચાંદીની માંગ પણ વધી રહી છે અને કિંમતોમાં ઉછાળ જોવા મળી રહ્યો છે.