જબરદસ્ત ઘટાડો / સોના-ચાંદીના ભાવમાં મોટો ઘટાડો, જાણો કેટલું સસ્તુ થયું સોનું

• ભારતીય ફ્યુચર્સ માર્કેટમાં સોના-ચાંદી થયું સસ્તુ
• સોનું 46679 રૂપિયા પ્રતિ દસ ગ્રામ
• ચાંદી 48128 રૂપિયા પ્રતિ કિલોગ્રામ

વિશેષજ્ઞોના જણાવ્યા અનુસાર, અમેરિકન ફેડ રિઝર્વ (US Fed Reserve)એ સ્પષ્ટ કરી દીધું છે કે પૉલિસી વ્યાજ દરોમાં નેગેટિવમાં નહીં લાવવામાં આવે. જ્યારે વ્હાઇટ હાઉસ તરફથી કહેવામાં આવી રહ્યું હતું કે દેશના અર્થતંત્રમાં ગતિ લાવવા માટે વ્યાજ દરોને માઇનસમાં લઇ જઇ શકાય છે. ત્યારબાદથી કિંમતી ધાતુઓમાં નફાવસૂલી જોવા મળી રહી છે.

સોનું 46679 રૂપિયા પ્રતિ દસ ગ્રામ

આજે ભારતીય વાયદા બજારમાં સોનું અને ચાંદી સસ્તુ થયું છે. પહેલા વાત સોનાની કરીએ તો બપોરે 2 વાગ્યાને 30 મિનિટે સોનાના ભાવ 452 રૂપિયા પ્રતિ દસ ગ્રામના ઘટાડા સાથે 46679 રૂપિયા પ્રતિ દસ ગ્રામ પર વેપાર થઇ રહ્યો છે. જ્યારે આજે સોનું અંદાજિત 80 રૂપિયાના ઘટાડા સાથે 47050 રૂપિયા પ્રતિ દસ ગ્રામ પર ખુલ્યું હતું. ત્યારે બુધવાર રાત્રે સોનું 47131 રૂપિયા પ્રતિ દસ ગ્રામ પર બંધ થયું હતું.

ચાંદી 48128 રૂપિયા પ્રતિ કિલોગ્રામ

ત્યારે ચાંદીના ભાવની વાત કરીએ તો આમાં મોટો ઘટાડો જોવા મળ્યો છે. ચાંદી 930 રૂપિયા પ્રતિ કિલોગ્રામના ઘટાડા સાથે 48128 રૂપિયા પ્રતિ કિલોગ્રામ સાથે વેચાણ થઇ રહ્યું છે. જોકે આજે ચાંદી 856 રૂપિયાના ઘટાડા સાથે 48202 રૂપિયા પ્રતિ કિલોગ્રામ પર ખુલ્યું હતું. જણાવી દઇએ કે કાલે ચાંદી 49058 રૂપિયા પ્રતિ કિલોગ્રામ પર બંધ થયું હતું.