સોના-ચાંદીનાં ભાવોમાં આજે મોટો ઘટાડો નોંધાયો છે. IBJA અનુસાર આજે સોનાં ભાવ આશરે 56000 રૂપિયા પ્રતિ 10 ગ્રામ થયાં છે.
સોના-ચાંદીનાં ભાવોમાં ઘટાડો
IBJAનાં રિપોર્ટ અનુસાર સોનું-ચાંદી થયું સસ્તું
સોનું 56000 રૂપિયા પ્રતિ 10 ગ્રામ થયું
ભારતીય સરાફ બજારમાં આજે સોના-ચાંદીનાં ભાવોમાં નોંધનીય ઘટાડો જોવા મળ્યો છે. 23 ફેબ્રુઆરી 2023નાં રોજ સોનું અને ચાંદી બંને સસ્તું થયું છે. સોનાની કિંમત 56 હજાર રૂપિયા પ્રતિ 10 ગ્રામ જ્યારે ચાંદીનો ભાવ 65 હજાર રૂપિયા પ્રતિ કિલોથી વધારે છે. રાષ્ટ્રીય સ્તર પર 999 શુદ્ધતાવાળા 24 કેરેટનાં 10 ગ્રામનાં સોનાની કિંમત 56197 રૂપિયા છે જ્યારે 999 શુદ્ધતાવાળી ચાંદી 65293 રૂપિયા છે.
ઈન્ડિયા બુલિયન એન્ડ જ્વેલર્સ એસોસિએશન IBJA અનુસાર બુધવારે સાંજે 24 કેરેટનું શુદ્ધ સોનું 56496 રૂપિયા પ્રતિ 10 ગ્રામ હતું જે આજે સવારે 56197 રૂપિયા પર આવ્યું છે. આ જ રીતે શુદ્ધતાનાં આધાર પર સોનું અને ચાંદી સસ્તું થયું છે.
આજનાં ભાવ:
ibjarates.comની ઓફિશિયલ વેબસાઈટ અનુસાર આજે 995 પ્યોરિટી વાળા 10 ગ્રામ સોનાનાં ભાવ ઘટીને 55972 રૂપિયા થયાં છે. 916 શુદ્ધતાવાળું સોનું આજે 51477 રૂપિયાનું થયું છે. આ સિવાય 750 પ્યોરિટીવાળા સોનાનાં ભાવ 42148 પર આવી ગયાં છે. તો બીજી તરફ 585 પ્યોરિટીવાળું ગોલ્ડ આજે સસ્તું થઈને 32875 રૂપિયા થયું છે. આ સિવાય 999 પ્યોરિટી વાળી એક કિલો ચાંદી આજે 65293 રૂપિયા થઈ છે.