ગ્લોબલ માર્કેટથી મળતી માહિતિ અનુસાર ગુરુવારે એટલે કે આજે સોના અને ચાંદીના ભાવમાં ઉછાળો આવ્યો છે તેમ છતાં ખરીદીનો પ્લાન હોય તો આજે જ ખરીદી લો.
સોનું કે ચાંદી ખરીદવાનો પ્લાન છે તો કરો ખરીદી
સોનાની કિંમતમાં થયો 156 રૂપિયાનો ભાવવધારો
જાણો સોના અને ચાંદીના આજના નવા ભાવ
ગુરુવારે મલ્ટી કમોડિટી એક્સચેન્જ પર જૂન વાયદો સોનું 0.33 ટકાના ઉછાળા સાથે કારોબાર કરી રહ્યું છે જ્યારે મે વાયદા ચાંદીના ભાવમાં પણ 0.31 ટકાનો વધારો જોવા મળ્યો છે. ગયા ટ્રેડિંગ સેશનમાં સોનાના ભાવમાં 0.75 ટકાનો ઘટાડો થયો હતો તો ચાંદીનો ભાવ 0.14 ટકા તૂટ્યો હતો.
જાણો સોનાનો નવો ભાવ
એમસીએકસ પર ગુરુવારે જૂન વાયદા સોનાનો ભાવ 156 રૂપિયા એટલે કે 0.33 ટકાની મજબૂતી સાથે 46764 રૂપિયા પ્રતિ 10 ગ્રામ પહોંચ્યો છે. ગયા કારોબારી સત્રમાં સોનામાં મોટો ઘટાડો આવ્યો હતો અને તે 0.75 ટકા સુધી તૂટ્યો હતો.
ચાંદીની નવી કિંમતો
સોનાની જેમ ચાંદીની કિંમતોમાં પણ વધારો જોવા મળ્યો હતો. એમસીએક્સ પર મે વાયદા ચાંદીની કિંમત 207 રૂપિયા વધીને 67845 પ્રતિ કિલોગ્રામ થઈ છે. ગયા કારોબારી સત્રમાં ચાંદી 0.14 ટકા તૂટી હતી.
આંતરરાષ્ટ્રિય બજારમાં સ્પોટ ગોલ્ડની કિંમત 0.2 ટકા વધીને 1738.96 ડોલર પ્રતિ ઓંસની થઈ છે તો ચાંદીનો ભાવ 0.5 ટકા વધીને 25.53 ડોલર પ્રતિ ઓંસ રહ્યો છે.
1 જૂનથી સોનું ખરીદવા અને વેચવાનો નિયમ પણ બદલાઈ રહ્યો છે
1 જૂન 2021 બાદ હોલમાર્ક વિનાના સોનાના દાગીનાને વેચી શકાશે નહીં. બ્યૂરો ઓફ ઈન્ડિયન સ્ટેન્ડર્ડ એટલે કે BISએ તેને લઈને ગયા મહિને એક નોટિફિકેશન જાહેર કર્યું હતું. સોનાની શુદ્ધતા 3 ગ્રેડમાં કરાશે. 22 કેરેટ, 18 કેરેટ અને 14 કેરેટ.
ભારતમાં દર વર્ષે 700-800 ટન સોનું થાય છે આયાત
જ્વેલરી હોલમાર્કિંગની પ્રક્રિયામાં જ્વેલર્સ BISના એ અને એચ સેન્ટર પર જ્વેલરી જમા કરે છે. અહીં તેની ગુણવત્તા તપાસવામાં આવે છે. રિઝલ્ટના આધારે બીઆઈએસ તેની પર માર્કિંગ કરે છે.
Gold ETF માં રોકાણ ચારગણું વધ્યું
કોરોનાનો ખતરો વધતા લોકલ લોકડાઉન અને કોરોના કર્ફ્યૂની વચ્ચે રોકાણકારોનો ભરોસો ઉઠી ચૂક્યો છે. તેના કારણે તેઓ ફરીથી સોનામાં સુરક્ષિત રોકાણની તરફ વળી રહ્યા છે. નાણાંકીય વર્ષ 2020-21માં ગોલ્ડ એક્સચેન્જ ટ્રેડેડ ફંડ્સમાં રોકાણકારોએ 6900 કરોડ રૂપિયા રોક્યા હતા. અહીં સતત બીજા વર્ષે પણ ગોલ્ડ ઈટીએફમાં રોકાણ થયું છે. આ પહેલા 2013-14માં ગોલ્ડ ઈટીએફથી સતત નિકાસ જોવા મળી હતી.