આજે પણ સોનાના ભાવમાં સતત ઘટાડો જોવા મળી રહ્યો છે. વિદેશી બજારમાં સોનાના ભાવમાં 2 ટકાનો ઘટાડો નોંધાયો છે. જાણકારોનું માનવું છે કે ભારતીય બજારોમાં આજે સોનું ફરી સસ્તું થશે.
વિદેશી બજારોમાં ઘટ્યા સોનાના ભાવ
ભારતમાં પણ આજે ઘટી શકે છે સોનાના ભાવ
આજે ફરી સસ્તુ થશે સોનુ, કરી લો ખરીદી
અમેરિકી સેન્ટ્રલ બેંક ફેડરલ રિઝર્વના ચેરમેનના ભાષણ બાદ સોનાની કિંમતોમાં ઘટાડો જોવા મળ્યો છે. જાણકારોનું કહેવું છે કે ફેડરલ રિઝર્વના પોઝિટિવ વલણના કારણે અને મોંઘવારીથી લડવા માટે નોકરીઓ વધારવા પર જોર આપવામાં આવી રહ્યું છે. તેની અસર બુલિયન માર્કેટમાં જોવા મળી રહી છે. ડોલર ઈન્ડેક્સ નીચેના સ્તરે રિકવર થયો છે જેના કારણે સોના અને ચાંદીના ભાવમાં ઘટાડો નોંધાયો છે. કોમેક્સ પર સોનાના ભાવ 2 ટકાથી વધારે ઘટ્યો છે. આ સંકેતોના આધારે ભારતીય બજારમાં પણ આજે સોનાની કિંમતો ઘટી શકે છે.
આજે ભારતમાં સસ્તું થઈ શકે છે સોનું
એક્સપર્ટનું માનીએ તો 7 ઓગસ્ટે સોનાની કિંમતોમાં ઘરેલૂ બજારમાં 56200 રૂપિયા પ્રતિ 10 ગ્રામે પહોંચ્યો છે. ત્યારબાદ કિંમતોમાં ભારે ઘટાડો જોવા મળ્યો છે. અમેરિકી ડોલરમાં મજબૂતીના કારણે સોનાની કિંમતોમાં મોટો ઘટાડો જોવા મળી શકે છે. ઉલ્લેખનીય છે કે ગુરુવારે 10 ગ્રામ સોનાનો ભાવ 743 રૂપિયા વધીને 52508 રૂપિયા સુધી પહોંચ્યો છે. આ પહેલાં પણ બુધવારે 51765 પ્રતિ 10 ગ્રામ ભાવ રહ્યો હતો.
અહીંથી ખરીદી શકાશે સસ્તુ સોનું, આ છે ઓફર
સરકારે સોવરેન ગોલ્ડ બોન્ડ 2020-21 સીરિઝ-6 ફરી લાવવાનું નક્કી કર્યું છે. આ સ્કીમ 31 ઓગસ્ટે ખુલશે. તેમાં લાંબા રોકાણથી ફાયદો થશે. આ પહેલાં 3 ઓગસ્ટની સ્કીમમાં આરબીઆઈએ 5334 રૂપિયે પ્રતિ 10 ગ્રામ ભાવ નક્કી કર્યો હતો. આ ઓફર 3- 7 ઓગસ્ટની વચ્ચે આવી હતી. છેલ્લી વખત સોવરેન ગોલ્ડ બોન્ડ 2020-21ની ઓફર કિંમત 4852 પ્રતિ 10 ગ્રામ હતી. તે 6-10 જુલાઈની વચ્ચે આવ્યો હતો. તેમાં ઓનલાઈન પેમેન્ટ કરનારાને 50 રૂપિયા પ્રતિ ગ્રામે છૂટ પણ આપવામાં આવી હતી.