વર્ષ 2020 નો પ્રથમ દિવસ સોના-ચાંદીની ખરીદી કરનાર માટે ખુશખબર લઇને આવ્યો છે, રૂપિયાની મજબૂતીને કારણે વર્ષના પ્રથમ એટલે કે 1 જાન્યુઆરીએ સોનાના ભાવમાં મોટો ઘટાડો થયો હતો.
2020ના પ્રથમ દિવસે સોના-ચાંદીના ભાવમાં ઘટાડો
સોનાના ભાવમાં રૂ.131 નો ઘટાડો
ચાંદીના ભાવમાં રૂ.590 નો ઘટાડો
બુધવારે, દિલ્હી બુલિયન માર્કેટમાં 10 ગ્રામ સોનાના ભાવમાં રૂ.131 નો ઘટાડો થયો છે. સોનાની જેમ ચાંદીના ભાવમાં પણ ઘટાડો થયો છે. એક કિલો ચાંદી (સિલ્વર પ્રાઈસ) ના ભાવમાં રૂ.590 નો ઘટાડો કરાયો હતો.
2019 ના અંતિમ દિવસે સોના-ચાંદીના વધ્યા ભાવ
આપને જણાવી દઇએ કે, વર્ષ 2019ના અંતિમ દિવસે સોના-ચાંદીના ભાવમાં તેજી જેવા મળી હતી. 31 ડિસેમ્બર 2019ના રોજ 10 ગ્રામ સોનાના ભાવ 256 રૂપિયા અને એક કિલોગ્રામ ચાંદીના ભાવમાં 494 રૂપિયાનો વધારો થયો હતો.
સોનાના નવા ભાવ (Gold Price 1st January 2020)-
બુધવારે દિલ્હીના બુલિયન બજારમાં સોનાની કિંમતમાં 39,949 રૂપિયા ઘટીને 39,818 રૂપિયા 10 ગ્રામ થઇ ગયા હતા.
ચાંદીના નવા ભાવ (Silver Rate 1st January 2020)-
સોનાની જેમ ચાંદીની કિંમતમાં પણ ઘટાડો નોંધાયો છે. એક કિલોગ્રામ ચાંદીના ભાવ 48,245 રૂપિયાથી ઘટીને 47,655 રૂપિયા થયાં છે.
સોના-ચાંદીમાં ઘટાડાનું કારણ-
HDFC સિક્યુરિટીના સીનિયર એનાલિસ્ટ તપન પટેલે જણાવ્યું કે, નવા વર્ષમાં ડોલરના મુકાબલે રૂપિયો વધુ મજબૂત થયો છે. ડોલરના મુકાબલે રૂપિયો આજે 6 પૈસા મજબૂત બન્યો છે. આ થવાને કારણે સોનાની કિંમતમાં ઘટાડો નોંધાયો છે.