કોમોડિટી / ઇતિહાસના સૌથી ઊંચા ભાવે પહોંચ્યું સોનું, જાણો નવા ભાવ

• સોના-ચાંદીના ભાવમાં તોતિંગ વધારો 
• અમેરિકા-ઇરાન વચ્ચેનો તણાવ બન્યો જવાબદાર 
• છેલ્લા બે દિવસમાં 1500 રૂપિયાનો વધારો 

સોનાની જેમ ચાંદીના ભાવમાં પણ મોટો ઉછાળો જોવા મળ્યો છે. એક કિલો ચાંદી (Silver Prices) ની કિંમતમાં રૂ. 1,105 વધારો થયો છે. HDFC સિક્યોરિટીઝના જણાવ્યા અનુસાર યુએસના હવાઈ હુમલોમાં ઈરાનના જનરલ કસીમ સોલિમાનીના મૃત્યુના સમાચારથી ગલ્ફ દેશોમાં તણાવ વધ્યો છે. જેના કારણે, રોકાણકારોની સલામત રોકાણની માંગને કારણે, કિંમતોમાં આ વર્ષનો સૌથી મોટો વધારો નોંધવામાં આવ્યો છે.

સોનાનો નવો ભાવ: (Gold Price 6 January 2020)- 

સોમવારે દિલ્હી બુલિયન માર્કેટમાં સોનાનો ભાવ રૂ. 41,010 થી વધીને 41,730 થયો છે. ગત કારોબારી દિવસે સોનાના ભાવમાં રૂ. 752 નો ઉછાળો નોંધાયો હતો. છેલ્લા બે દિવસમાં સોનાના ભાવમાં આશરે રૂ .1500 નો વધારો જોવા મળ્યો છે.

ચાંદીના નવા ભાવ : (Silver Price 6 January 2020)- 

સોનાની જેમ ચાંદીના ભાવમાં પણ ઉછાળો જોવા મળ્યો હતો. ચાંદીની કિંમત 48,325 થી વધીને 49,430 રૂપિયા પ્રતિ કિલોગ્રામ થઇ ગયા છે.   

ગ્લોબલ માર્કેટમાં પણ ઉંચકાયા ભાવ 

HDFC સિક્યોરિટીઝના દેવર્ષ વકીલના જણાવ્યા અનુસાર, અમેરિકા અને ઇરાન વચ્ચે વધી રહેલા તણાવને કારણે સોના-ચાંદીની કિંમતમાં તોતિંગ વધારો નોંધાયો છે. આ સિવાય રૂપિયો નબળો પડતા આંતરરાષ્ટ્રીય બજારમાં સોનાની કિંમતમાં ઉછાળો જોવા મળ્યો છે. 

2019માં સોનાએ રોકાણકારોને ખુશ કરી દીધા 

સોનામાં ઇન્વેસ્ટમેન્ટ કરવા વાળા રોકાણકારો માટે 2019 ખૂબ સારું વર્ષ રહ્યું હતું. આ વર્ષે સોનાએ રોકાણકારોને 23% વધુ લાભ આપ્યો હતો. ચાંદીએ પણ ઇન્વેસ્ટર્સને 22% જેટલું રિટર્ન આપ્યું હતું.

કેટલાય દેશો કરી રહ્યા છે સોનાની ખરીદી 

તેમણે કહ્યું કે યુએસ અને યુરોપમાં ઇટીએફની માંગ અને વિશ્વભરની સેન્ટ્રલ બેંકો દ્વારા ખરીદી મજબૂત રહેશે. તેમના મતે, ભારતીય રિઝર્વ બેંક 2019 માં સોનાની મુખ્ય ખરીદાર રહી અને તેના ભંડારમાં 60 ટનનો વધારો કર્યો. ચીન અને રશિયા અત્યાર સુધીમાં સોનાના સૌથી મોટા ખરીદદારો રહ્યા છે. ભારત ઉપરાંત તુર્કી, પોલેન્ડ, કઝાકિસ્તાન પણ આ રેસમાં સામેલ થયા છે.