ભારતીય રુપિયામાં આવેલી મજબૂતીના કારણે ઘરેલુ બજારમાં સોનાની ખરીદી સસ્તી થઈ ગઈ છે. દિલ્હી સરાફા બજારમાં મંગળવારે સોનાની કિંમતોમાં 137 રુપિયાનો ઘટાડો થયો છે. ત્યારે આ દરમિયાન ચાંદીની કિંમતોમાં તેજી આવી છે. એક કિલોગ્રામ ચાંદીના ભાવ 475 રુપિયા સુધી વધી ગયા છે.
ડૉલર નબળો હોવાથી સોનામાં તેજી જોવા મળી શકે છે
ડૉલર ઈન્ડેક્સમાં 0.1 ટકા ઘટાડો જોવા મળ્યો છે
રુપિયાની મજબૂતીની અસર સોનાની કિંમતો પર જોવા મળી રહી છે
એક્સપર્ટનું કહેવું છે કે વિદેશી શેર માર્કેટોમાં ઘટાડો અને ડૉલર નબળો હોવાથી સોનામાં તેજી જોવા મળી શકે છે. રાહત પેકેજની આશા અને અમેરિકા- ચીન વચ્ચેનું ટેન્શન યથાવત રહેવાના કારણે સોનાને નીચેના સ્તરે સપોર્ટ મળ્યો છે. આ પહેલા સોમવારે દિલ્હી સરાફા બજારમાં સોનું 59 રુપિયા ઘટીને 51, 034 રુપિયા પ્રતિ 10 ગ્રામ પર બંધ થયુ છે. ચાંદીથી 753 રુપિયો નબળો થવાની સાથે 62, 008 રુપિયા પ્રતિ કિલો થયું છે.
મંગળવારે દિલ્હી સરાફા બજારમાં સોનાનો ભાવ 137 રુપિયા પ્રતિ 10 ગ્રામ નીચે આવ્યો હતો. દિલ્હીમાં 99.9 ગ્રામ શુદ્ધતાવાળા સોનાના નવા ભાવ હવે 51, 108 રુપિયા પ્રતિ 10 ગ્રામ છે. આ પહેલા કારોબારી સત્રના ભાવ 51, 245 રુપિયા પર બંધ થયો હતો. ત્યારે આંતરરાષ્ટ્રીય બજારોમાં સોનાનો ભાવ 1903.6 ડૉલર પ્રતિ ઔંસ રહ્યો છે. ડૉલર ઈન્ડેક્સમાં 0.1 ટકા ઘટાડો જોવા મળ્યો છે. સિલ્વર 0.5 ટકા નબળાઈ સાથે 24.45 ડૉલર પ્રતિ ઔંસ હતો.
ચાંદીની વાત કરીએ તો મંગળવારે સરાફા બજારમાં ચાંદી 475 રુપિયા કિલોગ્રામ મોંઘો થઈ ગયો હતો. જેના ભાવ 62, 173 રુપિયા પ્રતિ કિલોગ્રામથી વધીને 62, 648 રુપિયા પ્રતિ કિલોગ્રામ પર પહોંચી ગયું છે. એક્સપર્ટના કહેવા પ્રમાણે રુપિયામાં આવેલી મજબૂતી અને શેર માર્કેટમાં ખરીદીની અસર સોનાની કિંમતો પર જોવા મળી રહી છે.