સોનું ખરીદનારા માટે સારા સમાચાર છે. સોના- ચાંદીની કિંમતોમાં આજે ફરી ઘટાડો નોંધાયો છે. જાણી લો આજના ભાવ.
સોનું ખરીદનારાઓ માટે સારાં સમાચાર
સોના-ચાંદીની કિંમતોમાં આજે ફરી ઘટાડો થયો
આ સમય સોનુ ખરીદવા માટે યોગ્ય છે
ભારતીય બજારમાં સતત સોનાના ભાવમાં ઘટાડો જોવા મળી રહ્યો છે. આજે પ્રારંભિક કારોબારમાં પણ સોનાનો ભાવ 10 મહિનાના નીચલા સ્તરની આસપાસ છે. મંગળવારે MCX પર સોનું વાયદો 0.41% ઘટીને 46,400 પ્રતિ 10 ગ્રામ જ્યારે ચાંદી વાયદો 1.26% ઘટીને 66,140 રૂપિયા પ્રતિ કિલોગ્રામ પર પહોંચી ગયું છે. ઓગસ્ટ 2020માં સોનું 56,200 રૂપિયાના રેકોર્ડ સ્તર પર પહોંચી ગયું હતું. ત્યારથી અત્યાર સુધી સોનું લગભગ 10 હજાર રૂપિયા સસ્તું થઈ ચૂક્યું છે.
સોનાના ભાવમાં સતત ઘટાડાના કારણે ગ્રામીણ અને શહેરી બંને વિસ્તારોમાં સોનાની માંગ વધી છે. લગ્ન માટે પણ સોનાની ખરીદી થઈ રહી છે. ગ્રાહકોની સંખ્યામાં ઘણો વધારો થયો છે. જો સોનાનો ભાવ વધુ ઘટે છે તો ઓનલાઇન અને ઓફલાઇન બંને પ્લેટફોર્મ પર સોનાનું વેચાણ વધવાનું અનુમાન છે. ઈન્ડિયા બુલિયન એન્ડ જ્વેલર્સ એસોસિએશન મુજબ, સોનાની માંગ વધી રહી છે. કિંમતોમાં ઘટાડાના કારણે ખરીદીમાં ગ્રાહકોનો રસ વધ્યો છે. અર્થવ્યવસ્થા પણ ખુલી રહી છે,
શું છે આજનો સોનાનો ભાવ
બુલિયન માર્કેટમાં મંગળવારે સોનાનો ભાવ 46,400 રૂપિયા પ્રતિ 10 ગ્રામ પર પહોંચી ગયો છે. ગત કારોબારી સત્ર દરમિયાન 0.03 ટકા ગબડીને 46,580 રૂપિયા પ્રતિ 10 ગ્રામના લેવલ પર પહોંચ્યો હતો.
શું છે આજનો ચાંદીનો ભાવ
મંગળવારે ચાંદીની કિંમતમાં જોરદાર ઘટાડો જોવા મળ્યો છે. બુલિયન માર્કેટમાં ચાંદી વાયદો 1.26% ઘટીને 66,140 રૂપિયા પ્રતિ કિલોગ્રામ પર પહોંચી ગઈ છે. બીજી તરફ આ અગાઉના કારોબારી સત્રમાં ચાંદી 0.15 ટકા ઘટીને 66,884 રૂપિયા પ્રતિ કિલોગ્રામ પર આવી ગઈ હતી.
એક્સપર્ટ્સનો મત
એક્સપર્ટ્સનું માનવું છે કે જો તમે સોનુ કે ચાંદી ખરીદવા માંગો છો તો આ યોગ્ય સમય સારો હોઈ શકે છે. સોનાની કિંમત 46,000 રૂપિયા પ્રતિ 10 ગ્રામની પણ નીચે છે. MCX પર સોનાનો ભાવ મે 2020ના લેવલ પર આવી ગયો છે. બીજી તરફ એમસીએક્સ પર ચાંદી 68500-68000ના સ્તર પર રહેવાની શક્યતા છે. એક્સપર્ટ્સનું માનીએ તો ચાંદીમાં ઉછાળો આવવાની શક્યતા છે, જેનાથી તે 70 હજારના સ્તર સુધી જઈ શકે છે.
આ રીતે ચેક કરો સોનાની શુદ્ધતા
ઉલ્લેખનીય છે કે જો તમે સોનાની શુદ્ધતા ચેક કરવા ઈચ્છો છો તો સરકારએ એક એપ બનાવી છે. 'BIS Care app' થી ગ્રાહકો સોનાની શુદ્ધતાની તપાસ કરી શકે છે. અહીં ફક્ત શુદ્ધતાની જ ખરાઈ નહીં પણ આની સાથે જોડાયેલી કોઈ પણ ફરિયાદ અહીં કરી શકાય છે. આ એપમાં જો સામાનના લાઈસેન્સ, રજિસ્ટ્રેશન અને હોલમાર્ક નંબર ખોટો જોવા મળે છે તો ગ્રાહક તેની ફરિયાદ તાત્કાલીક કરી શકે છે. આ એપના માધ્યમથી તાત્કાલીક ગ્રાહકોની ફરિયાદ દાખલ થયાની જાણકારી પણ મળી જશે.