અઠવાડિયાના છેલ્લા કારોબારી દિવસે સોનાના ભાવમાં તેજી આવી છે.
ગોલ્ડ 47 000 રુપિયે 10 ગ્રામને પાર થયું
સોનું 0.15 ટકા વધારાની સાથે ટ્રેડ કરી રહ્યું છે
ચાંદીના ભાવમાં પણ સામાન્ય વધારો નોંધાયો
ગોલ્ડ 47 000 રુપિયે 10 ગ્રામને પાર થયું
સોનામાં તેજી બાદ ગોલ્ડ 47 000 રુપિયે 10 ગ્રામને પાર થઈ ગયું છે. મલ્ટી કમોડિટી એક્સચેન્જ (MCX) પર આજે ઓક્ટોબર ડિલીવરી વાળું સોનું 0.15 ટકા વધારાની સાથે ટ્રેડ કરી રહ્યું છે. ત્યારે ચાંદીના ભાવમાં પણ સામાન્ય વધારો નોંધાયો છે.
જાણો આજના ભાવ
MCX પર આજે ઓક્ટોબર ડિલીવરી વાળું સોનું 0. 15 ટકા વધી 47, 060 રુપિયા પ્રતિ 10 ગ્રામ પર આવ્યું છે. ત્યારે ચાંદીના ભાવમાં સામાન્ય તેજી આવી છે. ચાંદી 0.02 ટકા વધીને 63,297 રુપિયા પ્રતિ કિલો ગ્રામ પર ટ્રેડ કરી રહ્યું છે.
ઘરે બેઠા આ રીતે જાણો સોના- ચાંદીના ભાવ
ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.
50 હજાર રુપિયા સુધી જશે સોનું
એક્સપર્ટ મુજબ બહું જલ્દી સોનું 50 હજાર રુપિયા સુધી પહોંચી જશે. તેવામાં રોકાણના હેતુથી આ ઉત્તમ સમય છે. રોકાણકારો યલો મેટલમાં રોકાણ કરી શકે છે. ત્યારે જો રોકાણકારોએ પહેલા જ સોનામાં રોકાણ જારી રાખ્યું છે તો પણ હોલ્ડ રાખવું ફાયદાકારક સાબિત થઈ શકે છે. ગોલ્ડ ETFથી આઉટફ્લો જારી છે. દુનિયામાં સૌથી મોટા ગોલ્ડ એક્સચેન્જ ટ્રેડડ ફંડ SPDR ગોલ્ડ ટ્રસ્ટની હોલ્ડિંગ સોમવારથી લગભગ 0.5 ટકા ઘટીને લગભગ 1006 ટન રહી. આ ગત અઠવાડિયાના અંતમાં લગભગ 1,011 ટન રહી હતી.
આ રીતે ચેક કરો શુદ્ધતા
તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.