તમારા કામનું / આ અઠવાડિયે પહેલી વાર મોંઘુ થયું સોનું, જાણો કેટલે પહોંચ્યા સોના-ચાંદીના ભાવ

• MCX પર સોનામાં આજે 0.38 ટકાનો વધારો 
•  ચાંદીમાં  0.24 ટકા તેજી 
• સોનું 47, 415 પ્રતિ 10 ગ્રામના સ્તર પર

મલ્ટી કમોડિટી એક્સચેન્જ (MCX) પર આજે સોનાની સાથે ચાંદીના ભાવમાં ભારે વધારો જોવા મળ્યો છે. MCX પર સોનામાં આજે 0.38 ટકાનો વધારો નોંધાયો છે. ત્યારે ચાંદીમાં  0.24 ટકા તેજી આવી રહી છે.

જાણો સોના- ચાંદીના આજના ભાવ

સોનું આજે 0.38 ટકાના વધારે સાથે 47, 415 પ્રતિ 10 ગ્રામના સ્તર પર આવી ગયું છે. ત્યારે ચાંદી 0.24 ટકાની તેજીની સાથે 62, 874 પ્રતિ કિલો પર કારોબાર કરી રહી છે. 

મિસ્ડ કોલ આ રીતે સોનાના ભાવ જાણો

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.

50 હજાર રુપિયા સુધી જશે સોનું

એક્સપર્ટ મુજબ બહું જલ્દી સોનું 50 હજાર રુપિયા સુધી પહોંચી જશે. તેવામાં રોકાણના હેતુથી આ ઉત્તમ સમય છે. રોકાણકારો યલો મેટલમાં રોકાણ કરી શકે છે. ત્યારે જો રોકાણકારોએ પહેલા જ સોનામાં રોકાણ જારી રાખ્યું છે તો પણ હોલ્ડ રાખવું ફાયદાકારક સાબિત થઈ શકે છે. ગોલ્ડ ETFથી આઉટફ્લો જારી છે. દુનિયામાં સૌથી મોટા ગોલ્ડ એક્સચેન્જ ટ્રેડડ ફંડ SPDR ગોલ્ડ ટ્રસ્ટની હોલ્ડિંગ સોમવારથી લગભગ 0.5 ટકા ઘટીને લગભગ 1006 ટન રહી. આ ગત અઠવાડિયાના અંતમાં લગભગ 1,011 ટન રહી હતી.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.