નબળા વૈશ્વિક સંકેતોથી આજે એમસીએક્સ પર સોના વાયદો 0.13 ટકાની નીચે 45928 રુપિયા પ્રતિ 10 ગ્રામ પર પહોંચ્યો હતો. આ પીળી ધાતુના લગભગ 6 મહિનાના નીચલા સ્તરે છે. ચાંદીમાં 1.00 ટકાનો ઘટાડો આવ્યો અને 59427 રુપિયા પ્રતિ કિલોગ્રામ પર રહી. પીળી ધાતુ ગત વર્ષના ઉચ્ચત્તમ સ્તર(56,200 રુપિયા પ્રતિ 10 ગ્રામ)થી હજું પણ 10,272 રુપિયા નીચે છે. ગત સત્રમાં સોનું 0.16 ટકા સસ્તુ થયુ હતુ અને ચાંદીમાં 1.76 ટકાનો ઘટાડો આવ્યો છે. ઓગસ્ટમાં સોનાના વધારે આયાત છતાં ભારતમાં સોનાની ભૌતિક માંગ નબળી પડી રહી છે. ઘરેલું ડીલરોને આશા છે કે તહેવારની સીઝનમાં ગ્રાહક આવશે.
વૈશ્વિક બજારમાં આટલી છે કિંમત
વૈશ્વિક બજારમાં મજબૂત અમેરિકન ડોલરથી સોનાની સેફ હેવેન માંગને અસર પહોંચી છે. જેની અસર તેની કિંમત પર પડી છે. અમેરિકન ફેડરલ રિઝર્વની બેઠકની પહેલા રોકાણકારો સતર્ક રહેવાથી વૈશ્વિક બજારોમાં સોનાની કિંમતને અસર પહોંચી છે. હાજર સોનું 0.1 ટકા ઘટીને 1, 752.66 ડોલર પ્રતિ ઓંસ પર આવી ગયું છે. અન્ય કિંમતી ધાતુઓમાં ચાંદી 0.3 ટકા ઘટીને 22.33 ડોલર પ્રતિ ઓંસ પર રહ્યુ અને પ્લેટિનિયમ 0.1 ટકાની નીચે 940.39 ડોલર પર રહ્યું.
મિસ્ડ કોલ કરી આ રીતે જાણો સોનાના ભાવ
ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.
આ રીતે ચેક કરો શુદ્ધતા
તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.