લેટેસ્ટ ભાવ / સોનું હાલ લેવાય કે નહીં? આ આંકડા પરથી કરો નક્કી, ફાયદામાં રહેશોએ પાક્કું

આંતરરાષ્ટ્રીય બજારમાં સોના અને ચાંદીના ભાવમાં સતત ફેરફાર જોવા મળી રહ્યા છે પણ આજે દેશમાં 9 સપ્ટેમ્બરે સોનાના ભાવ સ્થિર છે પરંતુ ચાંદીના ભાવમાં થોડો વધારો થયો છે. એવામાં જો તમે તહેવારોની સિઝનમાં સોનું કે ચાંદી ખરીદવાનું વિચારી રહ્યા છો, તો પહેલા સોના-ચાંદીની કિંમત જાણી લો.

આજે ભારતમાં 22 કેરેટ 10 ગ્રામ સોનાની કિંમત 66,940 રૂપિયા છે, જ્યારે ગઇકાલે ભાવ 66,950 હતો. તે જ સમયે, 24 કેરેટ સોનાની કિંમત આજે 73,010 રૂપિયા પ્રતિ 10 ગ્રામ છે. ગઈકાલે 24 કેરેટ સોનાનો ભાવ 73,020 રૂપિયા હતો. જો કે બજારના જાણકારોનું કહેવું છે કે આગામી દિવસોમાં સોનાના ભાવમાં વધારો થશે.

સોમવારે ચાંદીના ભાવમાં પ્રતિ કિલો 500 રૂપિયાનો વધારો થયો છે. હાલમાં ચાંદીની કિંમત 85000 રૂપિયા છે, જે 1 સપ્ટેમ્બરના રોજ 87000 રૂપિયા હતી. જાણીતું છે કે ચાંદીનો ઓલ ટાઈમ હાઈ લેવલ 96,500 રૂપિયા રહી છે અને આ વર્ષે જ અમુક શહેરોમાં ચાંદીનો ભાવ 1 લાખ રૂપિયાને પાર પણ કરી ગયો હતો.

નાણામંત્રી નિર્મલા સીતારમણે બજેટ દરમિયાન કસ્ટમ ડ્યુટીમાં ઘટાડો કર્યો હતો. જેના કારણે થોડા દિવસો સુધી સતત સોનું સસ્તું થયું. પરંતુ તે ફરીથી ઝડપી છલાંગ સાથે આગળ વધવાનું શરૂ કર્યું છે. હવે એવું માનવામાં આવે છે કે સોનાની કિંમત આગામી 3 મહિનામાં રેકોર્ડ તોડી શકે છે.

વધુ વાંચો: દુનિયાના અમીરોની આવક ઘટી! અંબાણી અને અદાણીને પણ ફટકો, જુઓ ટોપ 10 અબજોપતિનું લિસ્ટ

નિષ્ણાતોનું માનીએ તો દિવાળી સુધી સોનાના ભાવમાં વધારો જોવા મળી શકે છે. તે દરમિયાન સોનાનો ભાવ 76 હજાર રૂપિયાને પાર કરી શકે છે. સાથે જ અમેરિકામાં રાષ્ટ્રપતિની ચૂંટણી પછી પણ સોનાના ભાવમાં વધારો જોવા મળી શકે છે. આવી સ્થિતિમાં જો તમે રોકાણ કરવાનું વિચારી રહ્યા છો તો આ યોગ્ય સમય છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ