ઘરેલૂ બજારમાં સોનાની કિંમતોમાં ઘટાડો જોવા મળ્યો છે જ્યારે ચાંદીના ભાવમાં પણ 628 રૂપિયા પ્રતિ કિગ્રાનો ઘટાડો થયો છે. જાણકારોના આધારે ડોલરની સરખામણીએ રૂપિયામાં સતત ઘટાડા અને કોરોના વેક્સીનને લઈને પોઝિટિવ ન્યૂઝની અસર જોવા મળી રહી છે.
ઘરેલૂ બજારમાં ઘટ્યા સોના ચાંદીના ભાવ
સોનાના ભાવમાં 10 ગ્રામે થયો 534 રૂપિયાનો ઘટાડો
ચાંદીમાં કિલોએ થયો 628 રૂપિયાનો ઘટાડો
ભારતીય બજારોમાં ગુરુવારે સોનાની કિંમતોમાં ઘટાડો જોવા મળ્યો છે. દિલ્હીના સર્રાફા બજારમાં 10 ડિસેમ્બરે સોનાના ભાવમાં 534 રૂપિયા પ્રતિ 10 ગ્રામનો ઘટાડો થયો છે તો ચાંદીના ભાવમામં કિલોએ 628 રૂપિયાનો ઘટાડો નોંધાયો છે. છેલ્લા કારોબારી સત્રમાં દિલ્હીના સર્રાફા બજારમાં સોનું 49186 રૂપિયા પ્રતિ 10 ગ્રામ પર બંધ થયું તો ચાંદી 63339 રૂપિયા પ્રતિ કિલોએ બંધ થયું હતું. જાણકારોના જણાવ્યા અનુસાર આંતરરાષ્ટ્રીય બજારમાં ઘટાડાને કારણે ભારતમાં સોના અને ચાંદીના ભાવમાં ઘટાડો થયો છે.
સોનાની નવી કિંમત
દિલ્હીના સર્રાફા બજારમાં ગુરુવારે સોનાનો ભાવ 534 રૂપિયા પ્રતિ 10 ગ્રામ ઘટ્યો છે. દિલ્હીમાં સોનાનો નવો ભાવ 48,652 રૂપિયા પ્રતિ 10 ગ્રામ 99.9 ગ્રામ શુદ્ધ સોના માટે રહ્યો છે. આ પહેલાંના સત્રમાં સોનાનો ભાવ 49,186 રૂપિયા પ્રતિ 10 ગ્રામ પર બંધ થયો હતો. આંતરરાષ્ટ્રિય બજારમાં સોનાનો ભાવ ઘટીને 1835 ડોલર પ્રતિ ઓંસ રહ્યો છે.
ચાંદીની નવી કિંમત
ચાંદીની વાત કરીએ તો આજે તેના ભાવમાં 628 રૂપિયાનો ઘટાડો જોવા મળ્યો છે. તેના ભાવ 62711 રૂપિયા પ્રતિ કિલોગ્રામ પહોંચ્યા છે. આંતરરાષ્ટ્રિય બજારમાં ચાંદીનો ભાવ 23.84 ડોલર પ્રતિ ઓંસ પર બંધ થયો છે.
શા માટે થયો કિંમતોમાં ઘટાડો
એચડીએફસી સિક્યોરિટીઝના સિનિયર એનાલિસ્ટના આધારે આજે સતત ચોથા દિવસે ડોલરની સરખામણીએ રૂપિયામાં ઘટાડો થયો છે. સોનાની આંતરરાષ્ટ્રિય બજારમાં અછતના કારણે ભારતીય બજારોમાં સોના ચાંદીના ભાવ પર અસર થઈ રહી છે. આ સિવાય કોરોના વેક્સીનને લઈને આવી રહેલી પોઝિટિવ ન્યૂઝનો પણ કિંમત પર પ્રભાવ જોવા મળી રહ્યો છે. અમેરિકામાં પ્રોત્સાહન પેકેજને લઈને ચાલી રહેલી હલચલ અને ડોલરમાં ઘટાડાની અસર સોનાના ભાવ પર થતાં તેમાં ઘટાડો આવી રહ્યો છે.