સોનું ખરીદનારા માટે સારા સમાચાર છે કેમકે સોનું ફરી એકવાર સસ્તું થયું છે. આજે રેકોર્ડ લેવલથી 1000 રૂપિયા ભાવ ઘટ્યા છે.
સોનું ખરીદનારા આનંદો!
રેકોર્ડ લેવલથી સસ્તુ થયું સોનું
જાણી લો શું છે આજના નવા ભાવ
સોનું ખરીદનારા માટે આજે ફરી સારા સમાચાર આવ્યા છે. ભારતીય સર્રાફા બજારમાં સોનાના ભાવમાં 2 દિવસમાં વધારા બાદ આજે મોટો ઘટાડો જોવા મળ્યો છે. જો તમારે સોનાની ખરીદી કરવી છે તો તમારી પાસે આજે ખાસ અવસર છે. આ સિવાય ચાંદીના ભાવ પણ આજે ઘટ્યા છે. MCX પર સોનાનો વાયદો 0.1 ટકા ઘટ્યો છે 46793 રૂપિયા પ્રતિ 10 ગ્રામ થયો છે. તો ચાંદીનો ભાવ 0.4 ટકા ઘટ્યો અને 67240 પર આવ્યો છે. છેલ્લા 2 સત્રમાં સોનું 1000 પ્રતિ 10 ગ્રામથી વધ્યું છે.
ગુરુવારે ભાવમાં આવ્યો હતો વધારો
સોનાના ભાવ ઓગસ્ટ 2020માં 56200 રૂપિયા પ્રતિ 10 ગ્રામ રહ્યા હતા. તે રેકોર્ડ હાઈ સ્તરે પહોંચ્યા હતા. રેકોર્ડ લેવલથી અત્યાર સુધી સોનાની કિંમત 10000 રૂપિયા ઘટી છે. દિલ્હીના સર્રાફા બજારમાં ગુરુવારે સોનાના ભાવમાં 182 રૂપિયા પ્રતિ 10 ગ્રામ ઘટ્યા હતા.
જાણો દિલ્હીમાં સોનાનો નવો ભાવ
22 કેરેટ ગોલ્ડનો ભાવ 45160 રૂપિયા છે તો 24 કેરેટ સોનાનો ભાવ 49260 રૂપિયા છે.
ઈન્ટરનેશનલ માર્કેટમાં સોનાની સ્થિતિ
શુક્રવારે અમેરિકામાં હાજર સોનાનો કારોબાર 1755.91 ડોલર પ્રતિ ઔંસ પર સપાટ રહ્યો જ્યારે કિમતી ધાતુમાં ચાંદીની કિંમત 25.45 ડોલર પર સપાટ હતી. જ્યારે પ્લેટિનમ પણ 0.3 ટકા ઘટ્યું છે અને 1225.95 ડોલર થઈ છે.
શા માટે વધ્યા હતા સોનાના ભાવ
એચડીએફસી સિક્યોરિટીઝની મળતી માહિતી અનુસાર ડોલરની સરખામણીએ રૂપિયામાં આવેલા ઘટાડાના કારણે ભારતીય બજારમાં સોનાના ભાવ વદ્યા છે. તો કોરોનાના કારણે નવા કેસમાં વધારો આવવાના કારણે લોકો સુરક્ષિત વિકલ્પની તરફ વળી રહ્યા છે. આ કારણે સોનાની કિંમતને સમર્થન મળી રહ્યું છે.