ગ્લોબલ માર્કેટથી મળી રહેલા પોઝિટિવ સંકેતોથી MCX પર જૂન વાયદા સોનાના ભાવમાં 0.53 ટકાનો ઉછાળો અને જુલાઈ વાયદા ચાંદીના ભાવમાં 0.87 ટકાનો વધારો થયો છે.
મહિનાની શરૂઆતમાં વધી સોના અને ચાંદીની ચમક
જૂન વાયદા સોનાના ભાવમાં 0.53 ટકાનો ઉછાળો આવ્યો
જુલાઈ વાયદા ચાંદીના ભાવમાં 0.87 ટકાનો વધારો આવ્યો
મંગળવારે એટલે કે આજે ભારતીય બજારમાં સોના અને ચાંદીની કિંમતોમાં જોરદાર વધારો જોવા મળી રહ્યો છે. ગ્લોબલ માર્કેટથી મળી રહેલા પોઝિટિવ સંકેતોથી મલ્ટી કમોડિટી એક્સચેન્જ પર જૂન વાયદા સોનાના ભાવમાં 0.53 ટકાનો ઉછાળો આવ્યો છે. આ સાથે જુલાઈ વાયદા ચાંદીના ભાવમાં 0.87 ટકાનો વધારો આવ્યો છે. અમેરિકી ડોલરમાં નબળાઈ અને મોંઘવારી વધવાની આશંકાને કારણે સોનાને સપોર્ટ મળી રહ્યો છે.
જાણો શું છે આજનો સોનાનો 10 ગ્રામનો નવો ભાવ
મંગળવારે કારોબારમાં એમસીએક્સ પર સોનાનો ભાવ 261 રૂપિયા વધ્યો છે. આ સાથે નવો ભાવ 49082 રૂપિયા પ્રતિ 10 ગ્રામ થયો છે. પહેલાના કારોબારી સત્રમાં સોનામાં 0.45 ટકાનો વધારો જોવા મળ્યો હતો.
ચાંદીની કિંમત પણ જાણો
સોનાની સાથે સાથે ચાંદીની કિંમતમાં પણ વધારો જોવા મળી રહ્યો છે. એમસીએક્સ પર જુલાઈ વાયદા ચાંદીની કિંમત 629 રૂપિયા વધી છે અને સાથે 72527 રૂપિયા પ્રતિ કિલો પહોંચી છે. પહેલાના ટ્રેડિંગ સેશનમાં તેમાં 0.45 ટકાનો ઉછાળો જોવા મળી ચૂક્યો છે.
15 જૂનથી લાગૂ થશે હોલમાર્કિંગના નિયમો
કેન્દ્ર સરકાર 15 જૂનથી ગોલ્ડ હોલમાર્કિંગના નિયમ લાગૂ કરવા જઈ રહી છે. આ પછી દેશમાં ફક્ત હોલમાર્કિંગની જ્વેલરી વેચી શકાશે. આ વર્ષે તે જાન્યુઆરીમાં લાગૂ થવાનું હતું. પણ કોરોનાના કારણે તેની તારીખ લંબાવીને 1 જૂન કરાઈ અને પછી તેને વધારીને હવે 15 જૂન કરી દેવામાં આવી છે.