માર્કેટ ખુલવાની સાથે સોનામાં તેજી જોવા મળી રહી છે. સોનાના ભાવની વાત કરીએ તો આજે મલ્ટી કોમોડિટી એક્સચેન્જમાં 24 કેરેટ સોનુ 55,899 રુપિયા પ્રતિ 10 ગ્રામ પર ખુલ્યુ છે.
સોના-ચાંદીમાં સતત બે દિવસા ઘટાડા બાદ તેજી જોવા મળી
કાલે સોનું 55,739 રુપિયા પર બંધ થયું હતું
ચાંદીની કિંમતમાં વધારો નોંધવામાં આવી રહ્યો છે
Gold Silver Price on 03 March 2023: સોના ચાંદીમાં સતત બે દિવસના ઘટાડા બાદ ફરી તેજી જોવા મળી રહી છે. માર્કેટ ખુલવાની સાથે તેજી જોવા મળી રહી છે. પહેલા સોનાના ભાવની વાત કરીએ તો આજે મલ્ટી કોમોડિટી એક્સચેન્જમાં 24 કેરેટ સોનુ 55,899 રુપિયા પ્રતિ 10 ગ્રામ પર ખુલ્યુ છે. બાદમાં સોનાની કિંમતમાં થોડી નરમાઈ જોવા મળી હતી. સવારે 10.38 મિનિટ પર 55,821 રુપિયા પ્રતિ 10 ગ્રામ પર ટ્રેડ કરી રહ્યો છો. કાલે સોનું 55,739 રુપિયા પર બંધ થયું હતું.
ચાંદીમાં કેટલો વધારો નોંધાયો ?
3 માર્ચ શુક્રવારના દિવસે ચાંદીની કિંમતમાં વધારો નોંધવામાં આવી રહ્યો છે. વાયદા બજારમાં આજે ચાંદી વધારા સાથે સારો કારોબાર કરી રહી છે. આજે 999 શુદ્ધતાની ચાંદી માર્કેટ ખુલવાની સાથે 64,322 પ્રતિ કિલોગ્રામ પર ટ્રેડ થઈ રહી હતી. જ્યારે 10.38 મિનિટ સુધી ચાંદીમાં વધુ મજબૂતાઈ જોવા મળી અને તે 64,467 રૂપિયા પ્રતિ કિલોગ્રામ પર ટ્રેડ થઈ રહી છે. ગઈકાલ (ગુરુવાર) ની વાત કરીએ તો ચાંદી 64,034 રુપિયા પર બંધ થઈ હતી.
આંતરરાષ્ટ્રીય બજારમાં શું છે સોના અને ચાંદીનો હાલ ?
જ્યારે આંતરરાષ્ટ્રીય માર્કેટમાં સોનાની કિંમતની વાત કરીએ તો સોનું પોતાના નીચલા સ્તરથી થોડું મજબૂત બન્યું છે પરંતુ આજે પણ તેમાં ઘટાડો જોવા મળી રહ્યો છે. આજે સોનું 0.27 ટકાના ઘટાડા સાથે 1,840.50 ડોલર પ્રતિ ઔંસ પર ટ્રેડ કરી રહ્યું છે. જ્યારે ચાંદીના ભાવમાં પણ ઘટાડો જોવા મળી રહ્યો છે. આજે તે 0.92 ટકાના ઘટાડા સાથે 20.901 ડોલર પ્રતિ ઔંસ પર ટ્રેડ કરી રહ્યું છે.