સોના-ચાંદીના ભાવમાં ભારે ઉછાળો જોવા મળ્યો હતો. એચડીએફસી સિક્યોરિટીઝ અનુસાર, દિલ્હીમાં મંગળવારે સોનું 816 રૂપિયા વધીને 49,430 રૂપિયા પ્રતિ 10 ગ્રામ થયું છે. અગાઉના ટ્રેડિંગ સેશનમાં કિંમતી ધાતુ 10 ગ્રામ દીઠ 48,614 રૂપિયા પર બંધ રહ્યું હતું. જ્યારે ચાંદી 3063 રૂપિયા વધીને 64361 રૂપિયા પ્રતિ કિલોએ પહોંચી હતી.
આજે સોનાની કિંમતમાં મોટો ઉછાળો
સોનાના ભાવમાં રૂ .533 નો વધારો
ચાંદીનો ભાવ 1691 રૂપિયા વધ્યો
ઈન્ડિયા બુલિયન એન્ડ જ્વેલર્સ એસોસિએશન વેબસાઇટ (ibjarates.com) અનુસાર સોનાના ભાવમાં રૂ .533 નો વધારો થયો છે. આ પછી, સોનાનો ભાવ 10 ગ્રામ દીઠ 49782 રૂપિયા હતો. જ્યારે ચાંદીનો ભાવ 1691 રૂપિયા વધી રૂ. 63839 પ્રતિ કિલો થઈ ગયો છે. 24 કેરેટ સોનાના 10 ગ્રામની કિંમત 49780 રૂપિયા છે જ્યારે 22 કેરેટ સોનાના 10 ગ્રામની કિંમત 45600 રૂપિયા છે.
વાયદા બજારમાં સોનાના ભાવમાં ભારે વધારો
મજબૂત માંગને કારણે, નવા સોદા ખરીદીને કારણે સોનું મંગળવારે વાયદાના બજારમાં 10 ગ્રામ દીઠ રૂ. 54 વધી રૂ .50,000 થયો છે. મલ્ટી કૉમોડિટી એક્સચેંજમાં ફેબ્રુઆરીમાં ડિલિવરી થયેલ સોનાનો વાયદો રૂ. 54 એટલે કે 0.11% વધ્યો. જેમાં 11967ના લૉટ પર ટ્રેડિંગ કરવામાં આવ્યું.
બજારના નિષ્ણાતોએ જણાવ્યું હતું કે વેપારીઓ દ્વારા નવી પોઝિશન્સ ખરીદવાને પગલે સોનાના વાયદામાં વધારો થયો છે. આંતરરાષ્ટ્રીય બજાર, ન્યુ યોર્કમાં સોનું 0.25% વધીને 1870.60 ડૉલર પ્રતિ ઔંસ થયું છે.