ભારતમાં દિવાળી પહેલા સોના ચાંદીની કિંમતોમાં વધારો જોવા મળી રહ્યો છે, સતત ત્રીજા દિવસે બંને ધાતુની કિંમતો ઉછળી.
સોનું ચાંદી આજે સતત ત્રીજા દિવસે મોંઘુ થયું
સોનાના ભાવ 51,717 રૂપિયા સુધી આંબી ગયા
ચાંદીના ભાવમાં 2,147નો વધારો
સોનું ચાંદી આજે સતત ત્રીજા દિવસે મોંઘુ થયું છે, આ પહેલાના ગુરુવારે પણ સોની બજારમાં સોના ચાંદીના ભાવમાં તેજી આવી હતી. શુક્રવારે સોની પ્રતિ દસ ગ્રામ 791 રૂપિયા મોંઘુ થયું છે. આ સિવાય ચાંદીનાં ભાવમાં પણ પ્રતિ કિલો બે હજાર રૂપિયાનો વધારો થયો છે. નિષ્ણાતો કહી રહ્યા છે કે પ્રોત્સાહન પેકેજની આશાના કારણે સોના ચાંદીના ભાવમાં વધારો થઇ રહ્યો છે.
શુક્રવારે સતત ત્રીજા દિવસે સોનાની કિંમતોમાં ઉછાળો જોવા મળ્યો છે. સોનાના ભાવ 51,717 રૂપિયા સુધી આંબી ગયા છે. ગતસપ્તાહે સોનાના ભાવ 50,926 રૂપિયા પર બંધ થયા હતા, આંતરરાષ્ટ્રીય બજારમાં આ સોનાનાં ભાવ 1,950 પ્રતિ ઔંસ પર છે.
સોનાની સાથે સાથે ચાંદી પણ ચમકી રહી છે. તહેવારોની સિઝનમાં ચાંદીની કિંમતોમાં મોટી છલાંગ જોવા મળી છે. દિલ્હીની સોની બજારમાં ચાંદીના ભાવમાં 2,147નો વધારો જોવા મળ્યો છે. ચાંદીના હાલનાં ભાવ 64,578 રૂપિયા પર પહોંચી ગયા છે. આંતરરાષ્ટ્રીય બજારમાં ચાંદીનાં ભાવ 25.44 ડોલર પ્રતિ ઔંસ છે.
કોરોના વાયરસ મહામારીમાં અર્થતંત્રને પાટા પર લાવવા માટે શક્યતાઓ છે કે સરકાર ફરીથી પેકેજ આપી શકે છે. આ પેકેજની શક્યતાઓને જોતા હવે સોના ચાંદીની કિંમતોમાં તેજી આવી ગઈ છે.