Gold Price / ઘરેણાં ખરીદવાનો એકદમ બેસ્ટ સમય! સોના-ચાંદીના ભાવમાં થયો મોટો કડાડો, જાણો લેટેસ્ટ પ્રાઈઝ

• સોના-ચાંદીના ભાવમાં થયો ઘટાડો 
• ઘરેણાં ખરીદવા હોય તો છે બેસ્ટ તક 
• જાણો સોના-ચાંદીના આજના ભાવ 

અઠવાડિયાના પ્રથમ કારોબારી દિવસે સોના અને ચાંદીના ભાવમાં ફરી દબાણ જોવા મળી રહ્યું છે. ગયા અઠવાડિયે સરાફા માર્કેટમાં સોના અને ચાંદીમાં મોટો ઘટાડો જોવા મળ્યો હતો. બીજી તરફ સોમવારે વાયદા બજારમાં પણ સોના-ચાંદીના ભાવમાં નરમાઈ જોવા મળી હતી.

થોડા દિવસો પહેલા જ સરકારની તરફથી સોના પર ઈમ્પોર્ટ ડ્યૂટી વધાર્યા બાદ કિમતી ધાતુના ભાવમાં ખૂબ ઉતાર-ચઢાવ આવ્યો હતો. થોડા દિવસો પહેલા 52 હજારના પાર જતુ સોનુ ફરી એક વખત નીચે આવી ગયું છે. 

સોના-ચાંદીનાં ભાવમાં થઈ શકે છે ઘટાડો 
સોમવારે કારોબારી સપ્તાહના પહેલા દિવસે 24 કેરેટ વાળા 10 ગ્રામ સોનાની કિંમતમાં 252 રૂપિયાનો ઘટાડો થયો છે. સોમવારે ઈન્ડિયા બુલિયન એસોસિએશન દ્વારા જાહેર કરાયેલા રેટ મુજબ, 24 કેરેટ વાળુ સોનું 51,550 રૂપિયા પ્રતિ 10 ગ્રામ પર પહોંચી ગયું છે. એક કિલો ચાંદીનો ભાવ રૂ.715ના ઘટાડા સાથે રૂ.55166 થયો હતો. આગામી દિવસોમાં સોનુ વધારે નીચે આવી શકે છે.

MCX પર સોનામાં 1106 રૂપિયાનો ઘટાડો 
મલ્ટી કોમોડિટી એક્સચેન્જ (MCX) પર સોમવારે સોનાના ભાવમાં 0.40 ટકાનો ઘટાડો થયો હતો અને 51,275 રૂપિયા પ્રતિ 10 ગ્રામના સ્તરે આવી ગયો હતો. ચાંદીના ભાવમાં પણ ઘટાડો જોવા મળી રહ્યો છે. સપ્ટેમ્બર ડિલિવરી માટે ચાંદી 356 રૂપિયા ઘટીને 55140 રૂપિયા પ્રતિ કિલોગ્રામ પર છે.

બીજી તરફ ડિસેમ્બર ડિલિવરી માટે ચાંદી રૂ.337 ઘટીને રૂ.56,151 પર જોવા મળી હતી. ગત અઠવાડિયે એમસીએક્સ પર સોનું રૂ.1106 તૂટ્યું હતું. જ્યારે ચાંદી રૂ.3780 ઘટી હતી.