રશિયા અને યુક્રેન વચ્ચે ચાલી રહેલા યુદ્ધની અસર સમગ્ર દુનિયામાં દેખાઈ રહી છે, જેના કારણે ભારતીય બજારોમાં પણ તેની માઠી અસર વર્તાવાનું શરૂ થઈ ગયું છે.
રશિયાએ યુક્રેન પર આક્રમણ કર્યું છે
સમગ્ર દુનિયામાં તેની અસર વર્તાઈ
સોના-ચાંદીના ભાવ આસમાને પહોંચ્યા
રશિયા અને યુક્રેન વચ્ચે ચાલી રહેલા જંગની અસર સમગ્ર દુનિયાના બજારોમાં પડી રહી છે. યુદ્ધના 14માં દિવસે ગોલ્ડ અને ક્રૂડ ઓયલમાં રેકોર્ડ તોડ વધારો આવ્યો છે. સોનાની કિંમત 18 મહિનામાં સૌથી વધારે થઈ ગઈ છે.
ચાંદીની કિંમતમાં 1.8 ટકાનો ઉછાળો
મલ્ટી કમોડિટી એક્સચેંજ પર બુધવારે સવારે ગોલ્ડના રેટ 55 હજાર રૂપિયા પ્રતિ 10 ગ્રામને પાર પહોંચી ગઈ. ચાંદીમાં પણ ઉછાળો આવ્યો છે. એમસીએક્સ પર એપ્રિલ વાયદા સોનાના રેટમાં 1.4 ટકાનો ઉછાળો જોવા મળ્યો છે. આ ઉપરાંત ચાંદીની મે વાયદા કિંમતમાં 1.8 ટકાનો ઉછાળો આવ્યો છે.
ઓગસ્ટ 2020માં રેકોર્ડ સ્તર પર હતું ગોલ્ડ
આ અગાઉ બિઝનેસ સત્રમાં સોનુ 19 મહિનાના હાઈ લેવલ પર પહોંચી ગયું હતું. ઈંટરમેશનલ માર્કેટમાં ગોલ્ડ 2,053.99 ડોલર પ્રતિ ઓંસ પર બની રહ્યું. ચાંદી 1 ટકાના વધારા સાથે 26.66 ડોલર પ્રતિ ઓંસ થઈ ગઈ. દોઢ વર્ષ પહેલા ઓગસ્ટ 2020માં ગોલ્ડ 2072 ડોલરના રેકોર્ડ સ્તર પર પહોંચી ગયું હતું. તે સમયે ઘરેલૂ બજારમાં તે ચડીને 56,200 રૂપિયા પ્રતિ 10 ગ્રામ પહોંચી ગયું હતું.
સોના-ચાંદીના લેટેસ્ટ ભાવ
MCX પર બુધવારે એપ્રિલના સોનાના ભાવ 1.4 ટકા વધીને 55,190 રૂપિયા પ્રતિ 10 ગ્રામ થઈ ગયા છે, તો વળી મે વાયદા ચાંદીની પ્રાઈઝ 1.8 ટકાથી વધીને 72,698 રૂપિયા પ્રતિ કિલોગ્રામ થઈ ગઈ છે. જાણકારોનું કહેવુ છે કે, યુક્રેન સંકટથી આવનારા સમયમાં ભાવ હજૂ પણ ઉપર જશે.