દિલ્હીના સર્રાફા બજારમાં ગઈકાલે સોનાનો ભાવ વધ્યો છે. વૈશ્વિક બજારમાં ઉછાળો આવ્યા બાદ શુક્રવારે ઘરેલૂ બજારમાં પીળી ધાતુની કિંમતોમાં વધારો જોવા મળ્યો હતો. દિલ્હીના સર્રાફા બજારમાં સોના સિવાય ચાંદીની કિંમતોમાં પણ વધારો જોવા મળ્યો છે. મલ્ટી કોમોડિટી એક્સચેન્જ પર પણ બંને કિંમતી ધાતુના ભાવમાં વધારો જોવા મળ્યો છે. અમેરિકામાં રાહત પેકેજની અનિશ્ચિતતા અને અર્થવ્યવસ્થાની અનિશ્ચિતતાને લઈને સોના અને ચાંદીની કિંમતોમાં ફેરફાર જોવા મળી રહ્યા છે. તો જાણો શું છે આજના સોના અને ચાંદીના નવા ભાવ.
સોના અને ચાંદીના ભાવમાં થયો વધારો
અમેરિકામાં રાહત પેકેજની અનિશ્ચિતતાને લઈને આવ્યા ફેરફાર
જાણો શું છે સોના અને ચાંદીના નવા ભાવ
શું છે આંતરરાષ્ટ્રિય બજારમાં ભાવ
આંતરરાષ્ટ્રિય બજારમાં બંને ધાતુની વાત કરીએ તો અહીં વધારો જોવા મળી રહ્યો છે. આંતરરાષ્ટ્રિય બજારમાં સોનાનો ભાવ 1910 ડોલર પ્રતિ ઓંસ રહ્યો છે તો ચાંદીનો ભાવ 24.27 ડોલર પ્રતિ ઓંસ રહ્યો છે.
આ છે સોના અને ચાંદીની નવી કિંમત
શુક્રવારે ચાંદીની કિંમતમાં વધારો થયો હતો. તેમાં 376 રૂપિયા પ્રતિ કિલોનો વધારો થયો છે. તે હવે 62,775 રૂપિયા પ્રતિ કિલોગ્રામ પર પહોંચી છે. ગુરુવારે ચાંદીનો ભાવ 62,399 રૂપિયા હતો. સોનાની વાત કરીએ તો દિલ્હીના સર્રાફા બજારમાં સોનું 236 રૂપિયા પ્રતિ 10 ગ્રામ મોંઘુ થયું છે. આ પછી સોનાનો નવો ભાવ 51558 રૂપિયા પ્રતિ 10 ગ્રામ રહ્યો છે. ગુરુવારે તે 51322 રૂપિયા પ્રતિ 10 ગ્રામ પર બંધ થયું હતું.
કયા કારણોથી વધ્યા સોના અને ચાંદીના ભાવ
મળતી માહિતી અનુસાર દિલ્હીના સર્રાફા બજારમાં આજે 24 કેરેટ સોનું સ્પોટ ગોલ્ડનો ભાવ 236 રૂપિયા વધ્યો છે. ડોલરમાં નબળાઈ, અમેરિકામાં રાહત પેકેજને લઈને અનિશ્ચિતતા અને અમેરિકી અર્થવ્યવસ્થામાં અનિશ્ચિતતાને ધ્યાનમાં રાખીને સોનું અને ચાંદી બંનેના ભાવ વધ્યા છે.