જરૂરી વાત / આનંદો! સોના-ચાંદીના ભાવમાં આજે ફરી કડાકો, ફટાફટ જાણી લો આજનો લૅટેસ્ટ રૅટ

• 24 કેરેટવાળુ સોનુ ફરીથી ગગડીને 52 હજારની નીચે પહોંચ્યુ
• ચાંદીના ભાવમાં પણ શુક્રવારે મોટો ઘટાડો જોવા મળ્યો
• એક કિલો ચાંદીનો ભાવ આશરે 200 રૂપિયા ઉતરીને 55,697 રૂપિયે ગયો 

બુલિયન માર્કેટમાં બંને કિમતી ધાતુઓમાં ઘટાડો નોંધાયો

છેલ્લાં ત્રણ દિવસથી સોના-ચાંદીના ભાવમાં ચાલી રહેલી તેજી પર શુક્રવારે વિરામ લાગ્યો અને બુલિયન માર્કેટમાં બંને કિમતી ધાતુઓમાં ઘટાડો નોંધાયો. જ્યારે એમસીએક્સ માર્કેટમાં સોના અને ચાંદીના ભાવમાં મિશ્ર વલણ જોવા મળ્યું.

ચાંદીના ભાવમાં 200 રૂપિયાનો ઘટાડો

બુલિયન માર્કેટમાં શુક્રવારે સોના-ચાંદીની કિંમતમાં ફરીથી ઘટાડો જોવા મળ્યો છે. ચાંદીમાં આશરે 200 રૂપિયા કિલોની તૂટ નોંધાઈ છે. ગુરૂવારે 52 હજારની ઉપર પહોંચનારું 24 કેરેટવાળુ સોનુ ફરીથી 52 હજારની નીચે આવી ગયુ. ઈન્ડિયા બુલિયન્સ એસોસિએશન તરફથી શુક્રવારે સવારે જાહેર થયેલ ભાવ મુજબ 24 કેરેટવાળુ સોનુ 51,908 રૂપિયા પ્રતિ 10 ગ્રામે પહોંચી ગયુ. તો એક કિલો ચાંદીનો ભાવ આશરે 200 રૂપિયા ઉતરીને 55,697 રૂપિયે પહોંચી ગયો.

MCX પર મિશ્ર વલણ જોવા મળ્યું

મલ્ટી કોમોડિટી એક્સચેન્જ પર શુક્રવારે સોનાના ભાવમાં ઘટાડો જોવા મળ્યો. ઓક્ટોબર ડિલીવરીવાળુ સોનુ 82 રૂપિયા ઉતરીને 51260 રૂપિયે થયુ. આ ઉપરાંત ડિલીવરીવાળા સોનાનો ભાવ 56,410 ચાલી રહ્યો છે. સપ્ટેમ્બર ડિલીવરીવાળી ચાંદી 43 રૂપિયાના મામૂલી વધારાની સાથે 55,432 રૂપિયે વેપાર કરી રહી છે. ગયા અઠવાડિયે ચાંદીમાં મોટો ઘટાડો જોવા મળ્યો હતો.