ન્યૂ દિલ્હીઃ ગુરૂવારનાં રોજ વેપારમાં સોનાની કિંમતોમાં ઘટાડો જોવા મળ્યો છે. આજનાં આ વેપારમાં સોનું 320 રૂપિયાથી ઘટીને 32 220 રૂપિયા પ્રતિ 10 ગ્રામનાં સ્તરે બંધ થયો છે. સોનાની કિંમતોમાં આ ઘટાડાને કારણ સ્થાનીય જ્વેલર્સ તરફથી પણ માંગ વધી રહી છે. ત્યાં બીજી બાજુ વૈશ્વિક સ્તરે પણ સોનું નબળું પડ્યું છે.
સાથે બીજી બાજુ સોનાથી ઉલટું ચાંદીની કિંમતોમાં ઉછાળો જોવા મળ્યો છે. આજનાં આ વેપારમાં ચાંદી 250 રૂપિયાથી ઉછાળીને 38 800 રૂપિયા પ્રતિ કિ.ગ્રાનાં સ્તરે પહોંચી ગયેલ છે. ચાંદીની કિંમતોમાં આ ઉછાળાને કારણ ઔદ્યોગિક એકમો અને સિક્કા નિર્માતાઓ તરફથી પણ તેજી વધી રહી છે.
વેપારીઓનું માનવું એમ છે કે નબળા વૈશ્વિક સંકેતો સિવાય જ્વેલર્સ તરફથી વધુ માંગે સોનાની કિંમતો પર પણ અસર ઉભી કરી છે. રાષ્ટ્રીય રાજધાની દિલ્હીમાં 99.9 ટકા અને 99.5 ટકા શુદ્ધતાવાળું સોનું 320 રૂપિયા ઘટીને ક્રમશઃ 32 220 રૂપિયા અને 32 070 રૂપિયા પ્રતિ 10 ગ્રામ રહ્યો છે. જો કે ગિન્નીનાં ભાવ 25 000 રૂપિયા પ્રતિ 8 ગ્રામ પીસ પર યથાવત છે.
વૈશ્વિક સ્તરે ન્યૂયોર્કમાં સોનું 1 245 ડૉલર પ્રતિ ઔંસ અને ચાંદી 14.71 ડૉલર પ્રતિ ઔંસ રહ્યો છે. વળી તૈયાર ચાંદી પણ 250 રૂપિયા ઉછળીને 38 800 રૂપિયા પ્રતિ કિ.ગ્રા.નાં સ્તરે પહોંચી ગયેલ છે. જ્યારે સાપ્તાહિક આધારિત ડિલીવરી 170 રૂપિયાથી વધીને 38 351 રૂપિયા પ્રતિ કિ.ગ્રા થઇ ગયો. આ સિવાય ચાંદીનાં સિક્કાઓનાં ભાવ 74 000 રૂપિયા લિવાલ અને 75 000 રૂપિયા પ્રતિ 100 ગ્રામ પીસ વેચાણ પર રહેલ છે.