બજાર / 6 હજારના ઘટાડા બાદ બન્યા આ સમીકરણો, કે સોનું થયું અધધ મોંઘુ, જાણો કેટલે પહોંચ્યા સોના- ચાંદીનાં ભાવ

• 22 કેરેટ સોનાનો ભાવ 48205 પ્રતિ 10 ગ્રામ રહ્યો છે
• ચાંદીનો ભાવ 65749 પ્રતિ કિલોગ્રામ રહ્યો છે
•  સોના- ચાંદીમાં જબરજસ્ત રિકવરી જોવા મળી છે

બુધવારે સોનું પોતાના સ્તરથી 2325 રુપિયા ઉપર જઈ 52280 રુ. પ્રતિ 10 ગ્રામ પર બંધ થયું હતુ. ત્યારે ચાંદી પણ ઘરેલુ બજારોમાં 17 હજાર રુપિયા સુધી ગગડ્યા બાદ રિકવર થયું હતું. 60910 રુ. પ્રતિ કિલો સ્તર પર પહોંચ્યાં બાદ ચાંદી 68480 રુપિયા ઉપરના સ્તર પર પહોંચ્યું હતુ. પરંતુ વધારે સમય સુધી ટકી શક્યુ નહોતું. તેમ છતા ચાંદી નીચેના સ્તરથી 6066 રુપિયાથી ઉપર ચઢીને 66976 પર બંધ થયું હતુ. આંતરાષ્ટ્રીય બજારોમાં સોનાની કિંમતમાં હળવાશ જોવા મળી રહી છે. ભાવ 1945 ડૉલર પ્રતિ ઓંસની નજીક છે. પરંતુ ચાંદીમાં હળવો વધારો છે.

ઘરેલૂ સર્રાફા બજારમાં સોના અને ચાંદીના ભાવ પણ વધ્યા છે. ઈન્ડિયન બુલિયન એન્ડ જ્વેલર્સ એસોશિયેશનના જણાવ્યાનુંસાર કાલે સરાફા બજારમાં 24 કેરેટ સોનાના ભાવ 52626 રુપિયા પ્રતિ 10 ગ્રામ રહ્યું. જ્યારે 22 કેરેટ સોનાનો ભાવ 48205 પ્રતિ 10 ગ્રામ રહ્યો છે. જ્યારે ચાંદીનો ભાવ 65749 પ્રતિ કિલોગ્રામ રહ્યો છે.