ગ્લોબલ માર્કેટમાં Goldના ભાવમાં કડાકો આવવાથી બુધવારે ભારતીય માર્કેટમાં પણ સોનુ-ચાંદી સસ્તુ થયુ છે. મલ્ટીકોમોડિટી એક્સચેન્જ પર આજે સોનાના ભાવમાં 144 રૂપિયાનો ઘટાડો થયો છે. છેલ્લાં પાંચ દિવસમાં સોનાના ભાવમાં લગભગ ચાર હજાર રૂપિયાનો ઘટાડો આવ્યો છે.
સોના-ચાંદીના ભાવમાં આવ્યો કડાકો
ભારતીય માર્કેટમાં પણ સોનુ-ચાંદી સસ્તુ થયુ
સોનાના ભાવમાં 144 રૂપિયાનો ઘટાડો થયો
સોના-ચાંદીના ભાવમાં થયો ઘટાડો
MCX પર સવારે 9.10 વાગ્યે 10 ગ્રામ સોનાના વાયદાનો ભાવ 144 રૂપિયાથી ઘટીને 51,420 રૂપિયે પહોંચ્યો હતો. છેલ્લાં થોડા દિવસોથી સોનાના ભાવમાં સતત ઘટાડો જોવા મળી રહ્યો છે. એમસીએક્સ પર ચાંદીના ભાવ પણ 372 રૂપિયા ઘટી ગયા અને સવારે ચાંદી 67,953 રૂપિયા પ્રતિ કિલોગ્રામના ભાવે વેચાઈ રહી હતી. લગભગ એક મહિનામાં પહેલી વખત ચાંદીના ભાવ 68 હજાર રૂપિયાથી નીચે આવી ગયા છે.
ગ્લોબલ માર્કેટમાં પણ ઘટાડો
ગ્લોબલ માર્કેટમાં બુધવારે સવારે સોના અને ચાંદીની હાલની કિંમતમાં ઘટાડો જોવા મળ્યો છે. ગ્લોબલ માર્કેટમાં ગોલ્ડ 1923.60 ડૉલર પ્રતિ ઔસના ભાવે વેચાતુ હતુ. જ્યારે ચાંદી 25.11 ડૉલર પ્રતિ ઔસના ભાવે હતુ. નિષ્ણાંતનુ કહેવુ છે કે ક્રૂડના ભાવ ગગડવાથી હવે રોકાણકારોનો ઉત્સાહ ફરીથી માર્કેટ તરફ પાછો આવી રહ્યો છે.
તેથી સસ્તુ થયુ સોનુ
રશિયા અને યુક્રેનની વચ્ચે લડાઈ સમાપ્ત થવાની આશા વધવાથી સોના-ચાંદીમાં ગ્લોબલ લેવલે નબળાઈ જોવા મળી રહી છે. ક્રૂડના ભાવ પણ 100 ડૉલર પ્રતિ બેરલની આજુબાજુ આવી ગયા છે. જેનાથી વિશ્વભરના શેર માર્કેટમાં તેજી જોવા મળી રહી છે અને રોકાણકાર સોનાના બદલે માર્કેટમાં રૂપિયા લગાવી રહ્યાં છે.