સોનાનો ભાવ સતત ચોથા અઠવાડિયે ઘટ્યો છે. ડોલર મજબૂત થવાથી સોના પર છેલ્લા ચાર અઠવાડિયાથી દબાણ જોવા મળે છે.
સોનાનો ભાવ સતત ચોથા અઠવાડિયે ઘટ્યો
ડોલર મજબૂત બનવાથી સોના પર દબાણ
50 હજાર કરતા ઓછા ભાવનાં સ્તર પર સોનું
સોનાનો ભાવ સતત ચોથા અઠવાડિયે ઘટ્યો
અમેરિકી ફેડરલ રિઝર્વનાં એક્શન અને ડોલરનાં રિએક્શનને કારણે ગયા ચાર અઠવાડિયાથી સતત સોનાની કિંમતો પર દબાણ જોવા મળી રહ્યું છે. ડોલર ઇન્ડેક્સ 105નાં સ્તર પર છે અને આ બે દશકાઓની ઊંચાઈનો નવો રેકોર્ડ છે. ડોમેસ્ટિક માર્કેટમાં સોનું 50 હજારથી નીચે 49909 રૂપિયા પ્રતિ 10 ગ્રામનાં સ્તર પર બંધ થયું છે. ઇન્ટરનેશનલ માર્કેટમાં સોનું 1810 ડોલર પ્રતિ ઓંસનાં સ્તર પર બંધ થયું છે. હવે સવાલ એ ઉઠે છે કે શું સોનુ હજુ નીચે આવશે કે આ જ ખરીદવાનો સારો મોકો છે.
ડોલર મજબૂત બનવાથી સોના પર દબાણ
રેલીગીયર બ્રોકિંગનાં કમોડીટી વાઈસ પ્રેસિડન્ટ સુગંધા સચદેવે કહ્યું હતું કે સોનું આ સમયે 3 મહિનાના ન્યૂનતમ સ્તર પર છે. રોકાણકારો પોતાના પૈસા અમેરિકી ડોલર અને અમેરિકી બોન્ડ્સમાં રોકી રહ્યા છે. આ કારણે સોના પ્રત્યે દિલચસ્પી ઘટી રહી છે અને તેની કિંમત પર દબાણ જોઈ શકાય છે. મોંઘવારીને કારણે અમેરિકી ફેડરલ રીઝર્વ હજુ ઈંટરેસ્ટ રેટ વધારશે, જેથી ડોલરને વધારે મજબૂતી મળશે. યુક્રેન ક્રાઈસિસે ગ્લોબલ ઈકોનોમીની ગતિ મંદ પાડી દીધી છે. આવામાં આર્થિક સુસ્તીનાં ડરથી રોકાણકાર ડોલર ખરીદી રહ્યા છે.
સચદેવે કહ્યું કે હાલમાં જ એપ્રિલ મહિનામાં મોંઘવારીનો ડેટા સામે આવ્યો છે. અમેરિકામાં એપ્રિલમાં મોંઘવારી દર 8.3 ટકા રહ્યો, જે બજારનાં અનુમાન કરતા વધારે છે. જોકે, આ માર્ચની સરખામણીમાં થોડો નબળો પડ્યો છે. હવે આ વાતની પૂરી સંભાવના છે કે જૂનમાં જ્યારે ફેડરલ રીઝર્વની બેઠક થશે, તો ઇન્ટ્રેસ્ટ રેટમાં 0.50 ટકાનો વધારો થશે.
હજુ ભાવ ઘટી શકે તેવી સંભાવના
એક્સીસ સિક્યોરિટીઝનાં કમોડીટી પ્રીતમ પટનાયકે કહ્યું કે ફંડામેન્ટલ આધાર પર અત્યારે ડોલરમાં મજબૂતી આવશે. અત્યારે સોનાની કિંમત પર દબાણ સ્પષ્ટ જોવા મળી રહ્યું છે. હજુ વધારે ઘટાડો થઇ શકે છે. સુગંધા સચદેવે કહ્યું કે ઇન્ટરનેશનલ માર્કેટમાં સોનું હવે 1780 ડોલરની તરફ જશે, જ્યારે ડોમેસ્ટિક માર્કેટમાં સોનું 48800 રૂપિયા પ્રતિ 10 ગ્રામનાં સ્તર સુધી પહોંચી શકે છે. જ્યાર સોનું આ સ્તર પર રહે છે, તેનો ટ્રેન્ડ પોઝીટીવ રહેશે.
જો કોઈ ગોલ્ડમાં રોકાણ કરવા માંગે છે, તો તેણે થોડી રાહ જોવી જોઈએ. શોર્ટ ટર્મમાં તેની કિંમત પર દબાણ વધશે. સોનાને 48800નાં સ્તર પર ખરીદવાની સલાહ છે. રીકવરી પર આ 51200નાં સ્તર સુધી પણ સરળતાથી પહોંચી શકે છે.