અમેરિકી ડોલરમાં આવેલી મજબૂતીના કારણે આંતરરાષ્ટ્રીય સ્તરે સોનાની કિંમતોમાં ઘટાડો આવ્યો છે. તેની અસર આજે ઘરેલૂ બજારમાં પણ જોવા મળી શકે છે. મંગળવારે ઘરેલૂ વાયદા બજારમાં સોના અને ચાંદીની કિંમતોમાં ઘટાડો જોવા મળ્યો છે.
મંગળવારે ઘટ્યા સોના અને ચાંદીના ભાવ
આંતરરાષ્ટ્રિય સ્તરે સોનાની કિંમતો ઘટી
રૂપિયામાં રિકવરી આવતાં ઘટી શકે છે કિંમતો
એમસીએક્સ પર સોનાના ભાવ ઘટીને 51 હજાર રૂપિયા પ્રતિ 10 ગ્રામની નીચે પહોંચ્યો છે. ઓક્ટોબર 0.5 ટકા ઘટીને 50803 પ્રતિ 10 ગ્રામ થયો છે. ચાંદી ડિસેમ્બર વાયદો પણ 0.6 ટકા ઘટીને 67850 પ્રતિ કિલોગ્રામ પર પહોંચી છે. એક્સપર્ટ્સનું કહેવું છે કે ભારતીય રૂપિયામાં ઘટાડાના કારણે આજે ઘરેલૂ સર્રાફા બજારમાં સોનાની કિંમતો ઘટવાની આશા ઓછી છે. જો રૂપિયામાં થોડી રિકવરી દેખાય છે તો સોનાની કિંમતો પણ ઘટી શકે છે.
સોમવારે વધી હતી સોનાની કિંમત
સોમવારે દિલ્હીના સર્રાફા બજારમાં સોનાના ભાવમાં 258 રૂપિયાનો વધારો થયો હતો. આ પછી નવા ભાવ હવે 51877 રૂપિયા પ્રતિ 10 ગ્રામ થયો હતો. ત્યાર પહેલા સોનાના ભાવ 51619 રૂપિયા પ્રતિ 10 ગ્રામ પર બંધ થયો હતો. ચાંદીના ભાવ ગઈકાલે 837 રૂપિયા પ્રતિ કિલોગ્રામ વધ્યા હતા. પહેલાં ચાંદીનો ભાવ 68611 રૂપિયે કિલોગ્રામ બંધ થયો હતો. આંતરરાષ્ટ્રિય બજારમાં ચાંદીનો ભાવ 26.93 ડોલર પ્રતિ ઔંસ રહ્યો હતો.
ગયા સત્રમાં સોનાના વાયદામાં 0.7 ટકાનો વધારો થયો હતો. સોમવારે ચાંદીના વાયદામાં 1.6 ટકાનો ઉછાળો આવ્યો હતો. છેલ્લા મહિનાના ઉપરના સ્તરથી સોનું હજુ પણ 5000 રૂપિયા અને ચાંદી લગભગ 10000 રૂપિયા સસ્તી છે.
હવે શું થશે
એક્સપર્ટ્સનું કહેવું છે કે દેશ દુનિયા પર કોરોના વાયરસના કેસ વધી રહ્યા છે અને અમેરિકા અને ચીનની વચ્ચે તણાવ વધી રહ્યો છે. ભારત અને ચીન જેવા મોટા બજારોમાં ગ્રાહકોની ડિમાન્ડ વધારે છે. આ માટે સોનાની કિંમતો એક નક્કી કિંમતની આસપાસ રહેશે.