આંતરરાષ્ટ્રીય સ્તરે ભાવમાં છેલ્લા કેટલાય દિવસથી થઇ રહેલા ભાવ વધારા બાદ આજે કડાકો બોલ્યો છે. આંતરરાષ્ટ્રીય માર્કેટમાં રૂપિયો મજબૂત બન્યો છે. બુધવારે દિલ્હીના સરાફા બજારમાં 10 ગ્રામ સોનાની કિંમતમાં 614 રૂપિયાનો ઘટાડો નોંધાયો છે.
સોના-ચાંદીના ભાવમાં કડાકો
સોનાની કિંમતમાં 614 રૂપિયાનો ઘટાડો
ચાંદીના ભાવમાં 1799 રૂપિયાનો ઘટાડો
આ તરફ ચાંદીના ભાવમાં 1799 રૂપિયાનો ઘટાડો નોંધાયો છે. એક્સપર્ટ જણાવ્યા પ્રમાણે, ગ્લોબલ કરન્સીમાં ઉથલપાથલ થવાને કારણે સોના-ચાંદીના ભાવમાં ચઢાવ-ઉતાર જોવા મળી રહ્યો છે. જો કે, ઉત્પાદનની ગતિવિધિઓમાં પણ ધીમે-ધીમે વધારો નોંધાઇ રહ્યો છે. ત્યારે ફરી એકવાર સોનાના ભાવમાં મોટો ઘટાડો નોંધાઇ શકે છે.
સોનાના નવા ભાવ (Gold Price on 02 September 2020)
દિલ્હીના બુલિયન માર્કેટમાં 24 કેરેટ સોનાનો ભાવ દસ ગ્રામ 52,928 રૂપિયાથી ઘટીને 52,314 રૂપિયા થયો છે. આ સમયગાળા દરમિયાન, ભાવમાં 10 ગ્રામ દીઠ 614 રૂપિયાનો ઘટાડો થયો છે. આ તરફ, મુંબઇમાં 99.9 ટકા સોનાનો ભાવ 51,500 રૂપિયાથી ઘટીને 51024 રૂપિયા થયો છે.
ચાંદીના નવા ભાવ ( (Silver Price on 02 September 2020)
બુધવારે સોનાની જેમ ચાંદીના ભાવમાં પણ ઘટાડો જોવા મળ્યો છે. દિલ્હી બુલિયન માર્કેટમાં એક કિલો ચાંદીનો ભાવ રૂપિયા 73,001 થી ઘટીને 71,202 થયો છે. આ સમયગાળા દરમિયાન, કિંમતોમાં 1,799 રૂપિયાનો ઘટાડો થયો છે. તે જ સમયે, મુંબઇમાં ચાંદીનો ભાવ પ્રતિ કિલો રૂ.66356 પર આવી ગયો છે.