કોમોડિટી / ઐતિહાસિક સપાટીએ પહોંચ્યા બાદ સોના-ચાંદીના ભાવમાં જબરજસ્ત ઘટાડો, જાણો નવા ભાવ

• ઐતિહાસિક તેજી બાદ સોના-ચાંદીના ભાવમાં ઘટાડો 
• અમેરિકા-ઇરાન વચ્ચેનો તણાવ બન્યો જવાબદાર 

આપને જણાવી દઈએ કે, યુએસ અને ઈરાન વચ્ચે વધી રહેલા તણાવને કારણે સોનાના ભાવ (Gold-Silver Prices Today) આજ સુધીના ઉચ્ચતમ સ્તરે પહોંચ્યા છે. શેરબજારમાં થયેલા ઘટાડાને પગલે સોનામાં સલામત રોકાણ તરીકે રોકાણકારોનો ટ્રેન્ડ વધ્યો છે. જેના કારણે સોમવારે દિલ્હી બુલિયન માર્કેટમાં 10 ગ્રામ સોનાના ભાવમાં રૂ. 720 નો વધારો થયો છે.

સોનાની નવી કિંમત (Gold Price 7th January 2020)-

મંગળવારે દિલ્હીના બુલિયન માર્કેટમાં 10 ગ્રામ સોનાનો ભાવ 41,630થી ઘટીને 41,210 રૂપિયા પર પહોંચ્યો છે. આ દરમિયાન સોનાના ભાવમાં 420 રૂપિયાનો ઘટાડો થયો છે. 

આ પહેલા સોમવારે દિલ્હીના બુલિયન માર્કેટમાં સોનાના ભાવ 41,010 થી વધીને 41,730 રૂપિયા થઇ ગયા છે. નોંધનીય છે કે, છેલ્લા કેટલાક દિવસ દરમિયાન સોનાના ભાવમાં પ્રતિ ગ્રામ 1500 રૂપિયાનો વધારો નોંધાયો હતો.  

ચાંદીના નવા ભાવ (Silver Price 7th January 2020)-

સોનાની જેમ જ ચાંદીના ભાવમાં પણ ભારે ઘટાડો નોંધાયો હતો. મંગળવારે ચાંદીની કિંમત 49,430 રૂપિયાથી ઘટીને 48,600 રૂપિયા પ્રતિ કિલોગ્રામ થયાં હતા. આ દરમિયાન ચાંદીના ભાવમાં 830 રૂપિયાનો ઘટાડો નોંધાયો હતો. 

ગ્લોબલ માર્કેટમાં પણ ઉંચકાયા ભાવ 

HDFC સિક્યોરિટીઝના દેવર્ષ વકીલના જણાવ્યા અનુસાર, અમેરિકા અને ઇરાન વચ્ચે વધી રહેલા તણાવને કારણે સોના-ચાંદીની કિંમતમાં તોતિંગ વધારો નોંધાયો છે. આ સિવાય રૂપિયો નબળો પડતા આંતરરાષ્ટ્રીય બજારમાં સોનાની કિંમતમાં ઉછાળો જોવા મળ્યો છે. 

2019ના વર્ષે રોકાણકારો થયાં ખુશ 

સોનામાં ઇન્વેસ્ટમેન્ટ કરવા વાળા રોકાણકારો માટે 2019 ખૂબ સારું વર્ષ રહ્યું હતું. આ વર્ષે સોનાએ રોકાણકારોને 23% વધુ લાભ આપ્યો હતો. ચાંદીએ પણ ઇન્વેસ્ટર્સને 22% જેટલું રિટર્ન આપ્યું હતું.

વિવિધ દેશોમાં સોનાની થઇ રહી છે ખરીદી 

તેમણે કહ્યું કે યુએસ અને યુરોપમાં ઇટીએફની માંગ અને વિશ્વભરની સેન્ટ્રલ બેંકો દ્વારા ખરીદી મજબૂત રહેશે. તેમના મતે, ભારતીય રિઝર્વ બેંક 2019 માં સોનાની મુખ્ય ખરીદાર રહી અને તેના ભંડારમાં 60 ટનનો વધારો કર્યો. ચીન અને રશિયા અત્યાર સુધીમાં સોનાના સૌથી મોટા ખરીદદારો રહ્યા છે. ભારત ઉપરાંત તુર્કી, પોલેન્ડ, કઝાકિસ્તાન પણ આ રેસમાં સામેલ થયા છે.