બજાર / ધનતેરસ પર સોનુ ખરીદવાનું ચૂકી ગયા હોવ તો લાભ પાંચમ પહેલા ખરીદી લેજો, સોનાના ભાવમાં થયો ઘટાડો

• સોનાના ભાવમાં ફરી થયો ઘટાડો
• ચાંદીના ભાવ પણ જાણી લો
• 7 ઓગસ્ટે સોના-ચાંદીનો ભાવ હતો આસમાને

સોનામાં ઘટાડો વધતો જ રહ્યો, ઓપનિંગમાં જ સોનાનો ભાવ ઘટીને 50,504 પ્રતિ 10 ગ્રામ પહોંચી ગયો હતો, જો કે આ દરમિયાન સોનુ ઓપનિંગ પ્રાઇઝથી ઉપર નથી ગયુ. 

સોનાની માગને કારણે મંગળવારે સોનુ 11 રૂપિયા વધીને 50,841 થઇ ગયુ હતુ. મલ્ટી કોમોડિટી એક્ચેન્જમાં ડિસેમ્બરમાં ડિલીવરી વાળા સોનાની કિંમત 0.02 ટકા ઘટીને 50,841 થઇ ગઇ હતી. 

કોમોડિટી બજારમાં વધી સોનાની કિંમત 
દિલ્હીના કોમોડિટી બજારમાં મંગળવારે ત્રણ રૂપિયા જેવી સામાન્ય કિંમત વધી હતી. ચાંદીના ભાવમાં 451 રૂપિયાનો વધારો થયો હતો. HDFC સિક્યોરીટીઝના હિસાબે ભાવના ચડાવ-ઉતારનું મોટુ કારણ છે. 

દિલ્હી કોમોડિટીમાં સોનાના ભાવમાં ત્રણ રૂપિયા વધીને 50,114 રૂપિયા થયો હતો. સોમવારે ભાવ 50,114 રૂપિયા પર બંધ થયો તો. તે જ રીતે ચાંદીના ભાવમાં 451 રૂપિયા વધ્યા હતા. તેનો ભાવ 62,023 રૂપિયા કિલોગ્રામ થયો હતો. 

દિવાળીના દિવસે સોના-ચાંદીના વેચાણમાં વધારો થયો હતો. આમ તો દિવાળી પર બજાર બંધ રહે છે પરંતુ એમસીએક્સમાં 1 કલાકના સ્પેશિયલ મૂર્હુતમાં ટ્રેડિંગ હોય છે. જે દરમિયાન લોકો શુકન માટે સોનુ-ચાંદી ખરીદે છે. આ મૂર્હુત દરમિયાન સોનુ 0.25 એટલે કે 300 રૂપિયા વધીને 51,050 અને ચાંદી 0.32 એટલે કે 1000 રૂપિયા વધીને 63,940 રૂપિયા કિલો થઇ ગઇ હતી. 

7 ઓગસ્ટ 2020ના દિવસે સોના અને ચાંદીએ એક નવો જ રેકોર્ડ બનાવ્યો હતો. સોનુ અને ચાંદી બંનેએ પોતાના ઓલટાઇમ હાઇ ટચ કર્યુ હતુ. 7 ઓગસ્ટે સોનાનો ભાવ 56,200 હતો જ્યારે ચાંદીનો ભાવ 77,840 રૂપિયા થઇ ગયો હતો.