અમેરિકા અને ઇરાન વચ્ચે તણાવ વધવાને કારણે સોના અને ચાંદીની કિંમતમાં મોટો ઉછાળો જોવા મળ્યો છે. અઠવાડિયાના અંતિમ વેપાર ક્ષેત્રમાં સોનાની કિંમતમાં એક જ દિવસમાં 752 રૂપિયાનો તોતિંગ વધારો થયો હતો.
2020 ની શરૂઆત
સોના-ચાંદીના ભાવમાં તોતિંગ વધારો
અમેરિકા-ઇરાન વચ્ચેનો તણાવ બન્યો જવાબદાર
આ દરમિયાન ચાંદીના ભાવમાં 960 રૂપિયા પ્રતિ કિલોગ્રામનો મોટો ઉછાળો જોવા મળ્યો હતો. કોમોડિટી એક્સપર્ટના જણાવ્યા મુજબ, અમેરિકાના હવાઇ હુમલામાં ઇરાનના જનરલ કાસિમ સુલેમાની (General Qasem Soleimani) ના મોતના સમાચાર બાદ ખાડીના રાષ્ટ્રોમાં તણાવ વધ્યો છે. જેના કારણે રોકાણકારો દ્વારા ડિમાન્ડ વધતા કિંમતમાં ઉછાળો જોવા મળ્યો છે.
સોનાના નવા ભાવ (Gold Price 3rd January 2020)-
શુક્રવારે દિલ્હીના બુલિયન બજારમાં 10 ગ્રામ સોનાના ભાવ 39900 થી વધીને 40,652 રૂપિયા થયાં હતા. ત્યારે ગુરૂવારે સોનાના ભાવ 39,854થી વધીને 39,892 રૂપિયા પ્રતિ 10 ગ્રામ થયાં હતા.
ચાંદીના નવા ભાવ Silver Price 3rd January 2020) -
સોનાની જેમ જ ચાંદીના ભાવમાં પણ ઉછાળો જોવા મળ્યો હતો. ચાંદીની કિંમત 47,910 થી વધીને 48,870 રૂપિયા પ્રતિ કિલોગ્રામ થયા હતા. આ દરમિયાન કિંમતમાં 960 રૂપિયાનો ઉછાળો આવ્યો હતો.
2019માં સોનાએ રોકાણકારોને ખુશ કરી દીધા
સોનામાં ઇન્વેસ્ટમેન્ટ કરવા વાળા રોકાણકારો માટે 2019 ખૂબ સારું વર્ષ રહ્યું હતું. આ વર્ષે સોનાએ રોકાણકારોને 23% વધુ લાભ આપ્યો હતો. ચાંદીએ પણ ઇન્વેસ્ટર્સને 22% જેટલું રિટર્ન આપ્યું હતું.
કેટલાય દેશો કરી રહ્યા છે સોનાની ખરીદી
તેમણે કહ્યું કે યુએસ અને યુરોપમાં ઇટીએફની માંગ અને વિશ્વભરની સેન્ટ્રલ બેંકો દ્વારા ખરીદી મજબૂત રહેશે. તેમના મતે, ભારતીય રિઝર્વ બેંક 2019 માં સોનાની મુખ્ય ખરીદાર રહી અને તેના ભંડારમાં 60 ટનનો વધારો કર્યો. ચીન અને રશિયા અત્યાર સુધીમાં સોનાના સૌથી મોટા ખરીદદારો રહ્યા છે. ભારત ઉપરાંત તુર્કી, પોલેન્ડ, કઝાકિસ્તાન પણ આ રેસમાં સામેલ થયા છે.