ભાવ વધારો / સોનું ખરીદવું હોય તો ખરીદી લેજો, દિવાળી સુધીમાં થઇ શકે છે આટલો ભાવ

• સોનાની કિંમતમાં થઈ રહ્યો છે સતત વધારો
• દિવાળી સુધીમાં કિંમત 70 હજારને પાર થશે
• રોકાણકારોને આ વર્ષે સોનાએ કરાવ્યો મોટો પ્રોફિટ

શુક્રવારે રાજધાની દિલ્હીમાં સોનાનો ભાવ 57 હજાર રૂપિયા પ્રતિ 10 ગ્રામ રહ્યો હતો. સોનામાં સતત 16મા દિવસમાં થયેલા ભાવ વધારાને કારણે આ સ્થિતિ સર્જાઈ હતી. જાણકારો માને છે કે આ વર્ષે દિવાળી સુધીમાં એટલે કે નવેમ્બર મહિનામાં સોનાનો ભાવ 70 હજાર રૂપિયા પ્રતિ 10 ગ્રામ પહોંચી શકે છે. 

એક રિપોર્ટ અનુસાર સોનું આવનારા 2 મહિનામાં 70 હજાર રૂપિયા પ્રતિ 10 ગ્રામ સુધી પહોંચી શકે છે. એક્સપર્ટ્સ માને છે કે કોરોનાનું સંકટ હટે તો પણ વૈશ્વિક અર્થવ્યવસ્થા એટલી જલ્દી દુરસ્ત થશે નહીં. આ સ્થિતિમાં જ્યારે આર્થિક સંકટ રહેશે ત્યારે સોનાની મામંગ ચાલુ રહેશે અને વધતી જ રહેશે. 

સોનાની સાથે ઉંચકાયા ચાંદીના પણ ભાવ

સોનાની કિંમતોમાં સતત વધારો થઈ રહ્યો છે ત્યારે ચાંદીની કિંમતો પણ વધી રહી છે. શુક્રવારે ચાંદીની કિંમત 576 રૂપિયા પ્રતિ કિલો વધીને 77840 રૂપિયા રહી હતી. 24 કેરેટ સોનાનો રેટ શુક્રવારે 57008 રૂપિયા પ્રતિ 10 ગ્રામ રહ્યો હતો. આંતરરાષ્ટ્રિય બજારમાં સોના અને ચાંદીના ભાવ અનુક્રમે 2062 ડોલર પ્રતિ ઓંસ અને 28.36 ડોલર પ્રતિ ઓંસ રહ્યા હતા. ઉલ્લેખનીય છે કે સોનું અને ચાંદી બંને છેલ્લા કેટલાક સમયથી ઓલ ટાઈમ હાઈ પર ચાલી રહ્યા છે.