આજે ફરી ઘટી છે સોનાની કિંમત
એક દિવસના ભાવ વધારા બાદ આજે ફરી સોનાની કિંમતમાં ઘટાડો જોવા મળ્યો છે. MCX પર સોનું 0.1 ટકા એટલે કે 96 રૂપિયા ઘટ્યું છે. આ સાથે તે 46320 રૂપિયાના લેવલે પહોંચ્યું છે. જ્યારે ચાંદી વાયદો 0.34 રૂપિયા એટલે કે 228 રૂપિયા ઘટ્યો છે અને 66405 રૂપિયા પ્રતિ કિલો રહ્યું છે. ગયા સત્રમાં સોનામાં 0.9 ટકાનો વધારો જોવા મળ્યો હતો તો ચાંદીમાં 1.1 ટકાનો વધારો આવ્યો હતો. આ સિવાય રૂપિયામાં પણ મોટો ઘટાડો આવ્યો હતો.
8 એપ્રિલે મહાનગરોમાં આવો રહ્યો છે સોનાનો ભાવ
દરેક મહાનગરોમાં આજે ભાવ અલગ અલગ રહેશે. દેશની રાજધાની દિલ્હીમાં 24 કેરેટ ગોલ્ડનો ભાવ 48880 રૂપિયા પ્રતિ 10 ગ્રામ રહ્યો છે તો મુંબઈમાં 45350 રૂપિયા, ચેન્નઈમાં 47280 રૂપિયા અને કોલકત્તામાં 47800 રૂપિયા પ્રતિ 10 ગ્રામ ટ્રેડ કરી રહ્યો છે.
ગ્લોબલ માર્કેટમાં આવી છે સોનાની સ્થિતિ
ગ્લોબલ માર્કેટની વાત કરીએ તો અહીં આજે સોનાના ભાવ સ્થિર છે. ડોલર અને બોન્ડ યીલ્ડમાં ટ્રેકિંગ મૂવમેન્ટ છે. બુધવારે 0.3 ટકાના ઘટાડાની સાથે કિંમતી ધાતુ 1,737.02 ડોલર પ્રતિ ઔસ રહી હતી. જ્યારે ચાંદીનો કારોબાર 0.05 ડોલરના ઘટાડાની સાથે સાથે 25.11 ડોલરના સ્તરે રહ્યો હતો. ડોમેસ્ટિક બ્રોકરેજ જિયોજિતનું કહેવું છે કે એમસીએકસ પર ગોલ્ડ રેસિસ્ટેંસ 47080 રૂપિયા છે. આ સિવાય સપોર્ટ લેવલ 44600 રૂપિયા છે.
ગઈકાલે દિલ્હીના સર્રાફા બજારમાં આવી હતી સ્થિતિ
અહીં 7 એપ્રિલ એટલે કે બુધવારે સોનાના ભાવમાં 587 રૂપિયા પ્રતિ 10 ગ્રામનો વધારો આવ્યો હતો. આ પછી સોનાનો ભાવ 10 ગ્રામના 45768 રૂપિયા થયો હતો. ચાંદીમાં 682 રૂપિયાનો વધારો થયો હતો અને સાથે જ તે 65468 રૂપિયા પ્રતિ કિલોગ્રામ થઈ હતી.
જાણો શું કહે છે એક્સપર્ટ
એચડીએફસી સિક્યોરિટીઝના અનુસાર આંતરરાષ્ટ્રિય બજારમાં સોનાના ભાવમાં ઉતાર ચઢાવની અસર ભારતીય સર્રાફા બજારમાં પણ જોવા મળી રહી છે. જ્યારે કોરોના વાયરસના નવા કેસ અને નબળા ડોલરના કારણે સોનાની કિંમતોનું સમર્થન મળી રહ્યું છે. એક્સપર્ટનું કહેવું છે કે છેલ્લા 10 વર્ષમાં સોનું એપ્રિલ મહિનામાં વધારે જોર પકડે છે. એવામાં જો લગ્ન માટે ખરીદી કરવી હોય તો અત્યારના ભાવે ખરીદી કરી લેવી યોગ્ય છે.