કોમોડિટી / આ કારણે સોના-ચાંદીના ભાવમાં આવ્યો જબરદસ્ત ઉછાળો, જાણો લેટેસ્ટ ભાવ

• સોનાના ભાવમાં 335 રૂપિયાનો ઉછાળો
• ચાંદીના ભાવમાં રૂ 382 નો વધારો
• નવા વર્ષે રૂપિયો નબળો પડતા વધ્યા ભાવ

ઉલ્લેખનીય છે કે, આ સાથે જ સોનાના પ્રતિ 10 ગ્રામ ભાવ 50,969 રૂપિયા થયાં હતા. સિક્યુરિટીઝ પ્રમાણે ભારતીય રૂપિયો નબળો પડતા સોનાના ભાવમાં ઉછાળો નોંધાયો હતો. ગત સત્રમાં સોનાના ભાવ 50,634 રૂપિયા પ્રતિ 10 ગ્રામ પર બંધ થયા હતા. 

ચાંદીના ભાવમાં પણ ઘટાડો 

સ્થાનિક બુલિયન માર્કેટમાં મંગળવારે સોનાની સાથે ચાંદીના હાજર ભાવમાં પણ વધારો નોંધવામાં આવ્યો હતો. ચાંદીના ભાવમાં રૂ 382 નો વધારો કરવામાં આવ્યો છે. આ વધારા સાથે ચાંદીનો ભાવ કિલોદીઠ રૂ 69,693 પર પહોંચી ગયો છે. નોંધપાત્ર વાત એ છે કે અગાઉના સત્રમાં ચાંદી પ્રતિ કિલોગ્રામ 69,311 રૂપિયા પર બંધ થયો હતો. ભારતીય રૂપિયાની વાત કરીએ તો તે મંગળવારે પ્રારંભિક કારોબારમાં યુએસ ડોલર સામે 13 પૈસા તૂટીને 73.15 ના સ્તર પર વેપાર કરી રહ્યો છે.

સોનાના વૈશ્વિક ભાવ

આંતરરાષ્ટ્રીય સ્તરે, સોનાના વાયદા અને હાજરના ભાવ બંનેમાં મંગળવારે સાંજે વધારો જોવા મળ્યો છે. બ્લૂમબર્ગના જણાવ્યા અનુસાર, મંગળવારે સાંજે સોનાનો વૈશ્વિક વાયદો ભાવ 0.32 ટકા અથવા 6.20 ડોલરના વધારાની સાથે 1,952.80 ડોલર પ્રતિ ઔંસ પર ટ્રેન્ડ કરતો જોવા મળ્યો. આ સિવાય સોનાનો વૈશ્વિક હાજર ભાવ આ સમયે  0.32 ટકા અથવા 6.31 ડોલરના વધારાના સાથે 1,949.21 ડોલર પ્રતિ ઔંસ પર ટ્રેડ કરી રહ્યો છે. 

ચાંદીનો વૈશ્ચિવ ભાવ 

આંતરરાષ્ટ્રીય સ્તરે, ચાંદીમાં પણ મંગળવારે સાંજે વાયદા અને હાજરના ભાવમાં વધારો જોવા મળ્યો હતો. બ્લૂમબર્ગના જણાવ્યા અનુસાર, મંગળવારની સાંજે, માર્ચ 2021 વાયદામાં ચાંદીનો ભાવ 0.90 ટકા એટલે કે 0.25 ડોલરના વધારા સાથે 27.61 સ્તરે કારોબાર કરી રહ્યો છે.