અઠવાડિયાના પહેલાં દિવસે જ સોનાની કિંમતોમાં વધારો જોવા મળ્યો છે. રોકાણકારોની નજર આ અઠવાડિયે ફેડરલ રિઝર્વની બેઠક પર છે. સાથે ડોલરમાં પણ નબળાઈ જોવા મળી રહી છે. એવામાં ફેડ દ્વારા મોંઘવારી પર કાબૂ કરવા માટે લેવાયેલા પગલાં પર રોકાણકારોની નજર છે. આ કારણ છે કે સોમવારે અમેરિકામાં સ્પોટ ગોલ્ડનો ભાવ 0.2 ટકા વધીને 1,953.37 ડોલર થયો. જ્યારે અમેરિકા વાયદા બજારમાં સોનાનો ભાવ 0.1 ટકા વધવાની સાથે 1,960.50 ડોલર પ્રતિ ઓંસ છે.
અન્ય કરંસીના આધારે ડોલરમાં 0.1 ટકાની નબળાઈ જોવા મળી છે. આ કારણ છે કે અન્ય દેશોની કરંસી રાખનારા રોકાણકારોને માટે સોનામાં રોકાણ કરવાનો સારો અવસર છે.
અમેરિકામાં રાહત પેકજની જાહેરાતથી વધી શકે છે કિંમત
તેમની નજર ફેડ રિઝર્વ કમિટીના સભ્યો અને ચેરમેન જેરોમ પાવેલની સ્પીચ પર પણ છે. એક્સપર્ટ્સનું માનવું છે કે રોકાણકારોની નજર એ વાત પર છે કે જેરોમ પાવેલ અમેરિકાને નાણાંકીય પ્રોત્સાહન પર શું વિચારે છે. જો હજુ પણ નાણાંકીય પ્રોત્સાહન આપવાની જાહેરાત કરાશે તો તેનાથી ડોલરમાં નબળાઈ આવશે અને સાથે જ નબળા ડોલર રોકાણકારોને માટે સોનામાં રોકાણ કરવાનો સકારાત્મક રસ્તો ખૂલશે.
કોરોના મહામારીના કારણે દુનિયાભરની સરકારો અને કેન્દ્રીય બેંકોએ મોટા સ્તરે રાહત પેકેજની જાહેરાત કરી છે જેથી અર્થવ્યવસ્થાને પાટા પર લાવી શકાય. આ કારણ છે કે આ વર્ષે સોનાના ભાવમાં લગભગ 29 ટકાનો વધારો થયો છે.
જાણો ભારતમાં શું છે સોના અને ચાંદીના ભાવ
ભારતમાં સોનાની વાત કરીએ તો ગયા અઠવાડિયે દિલ્હી સર્રાફા બજારમાં સોનાની કિંમતોમાં 207 રૂપિયે પ્રતિ 10 ગ્રામનો વધારો થયો હતો. ત્યારબાદ 10 ગ્રામ સોનાના ભાવ 52,672 પર પહોંચ્યા હતા. ચાંદીની કિંમતોમાં ગયા અઠવાડિયે 251 રૂપિયા પ્રતિ કિલોનો વધારો થયા બાદ તેના ભાવ 69,841 રૂપિયે રહ્યા હતા.