સોના અને ચાંદીની ખરીદી કરનારા માટે સારા સમાચાર છે. અઠવાડિયામાં પહેલી વાર સોનાની કિંમતોમાં ઘટાડો આવ્યો છે. નબળા ગ્લોબલ સંકેતોની વચ્ચે ઈન્ડિયન માર્કેટમાં ગોલ્ડ અને સિલ્વરમાં નબળાઈ જોવા મળી રહી છે. MCX (Multi commodity exchange) પર સોનું 48,076 રુપિયા પ્રતિ 10 ગ્રામના સ્તરે કારોબાર કરી રહ્યું છે. ત્યારે ચાંદી 0.4 ટકા એટલે કે 274 રુપિયાના ઘટાડા સાથે 68045 રુપિયા પ્રતિ કિલોગ્રામ પર કારોબાર કરી રહ્યું છે. ત્યારે ગત સત્રમાં સોનું 400 રુપિયા પ્રતિ 10 ગ્રામ ઘટ્યુ હતુ.
હાજર સોનું 0.1 ટકા વધીને 1,812.83 ડોલર પ્રતિ ઔંસ
ઈન્ટરનેશનલ માર્કેટમાં સોનાની કિંમત સપાટ સ્તર પર છે. શુક્રવારે લગભગ 1 ટકાના ઘટાડા બાદ હાજર સોનું 0.1 ટકા વધીને 1,812.83 ડોલર પ્રતિ ઔંસ થઈ ગઈ હતી. અન્ય કિંમતી ઘાતુઓમાં ચાંદી 0.6 ટકા ઘટીને 25.50 ડોલર પ્રતિ ઔંસ થઈ ગઈ. જ્યારે પ્લેટિનિયમ 0.2 ટકા ઘટાડા સાથે 1,100.55 ડોલર પર આવી ગયું છે.
રેકોર્ડ સ્તર પર કેટલું સસ્તુ છે?
જો તમે ગત વર્ષના ઓગસ્ટની સરખામણી કરે તો એમસીએક્સ પર વર્ષ 2020માં આ સમયે 10 ગ્રામ સોનાનો ભાવ લગભગ 56,200 રુપિયાના ઉચ્ચત્તમ સ્તર પર પહોંચી ગયો હતો. ત્યારે MCX અનુસાર આજે સોનાનું 48,076 રુપિયા પ્રતિ 10 ગ્રામ છે. એટલે કે સોનું 8124 રુપિયા સસ્તુ છે.
આ રીતે ચેક કરો શુદ્ધતા
તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.